Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1069-Ecclesia 36
Frater Baptista de Ursinis magister
xxxvi. De commissariis ecclesie sancti Ioannis collaci Rhodi, qui visitare debent predia et possessiones
Stabilimus, ut per magistrum et consilium completum, cum rerum exigentia requiret, duo commissarii, probi religiosi ordinentur et eligantur, quorum alter ex consilio ordinario ad tale opus assumatur. Qui quidem duo commissarii una cum priore ecclesie pro tempore existente summa cum diligentia et sollicitudine personaliter predia, possessiones, domos, apothecas, vineas et cetera mobilia pertinentia capellis ecclesie sancti Ioannis collaci Rhodi et ecclesiis sancti Antonii, nostre domine de Philermo, sancti Ioannis de fonte et omnium aliarum in Rhodo constitutarum(a) iurisdictioni religionis nostre spectantium visitare debeant. De his quoque inventarium faciant autenticum. Et si ruinas, demolitiones et devastationes huiusmodi rerum et bonorum mobilium et immobilium invenerint, ea re?dificare, erigere, reparare et augmentare expensis illorum, qui redditus et fructus dictarum capellarum et ecclesiarum recipiunt, facere debeant. Quod si dictarum capellarum et ecclesiarum possessores renitentes(b) et inobedientes in exequendo extiterint, privati capellis et redditibus earum existant, que per eos, qui in eis ius patronatus obtinent, aliis concedantur, ut reparationes et augmentationes compleantur. Preterea dicti commissarii sumere et habere informationem fundationis et institutionis dictarum capellarum et ecclesiarum debeant habeantque notitiam, si cultus divinus secundum institutorum rectorumque ordinationes et voluntates adimpleatur, quas capellani [41r] ipsi adimplere teneantur. Alias, qui neglexerint facere, dictis capellis et ecclesiis priventur, et alii de his per collatores earum provideantur(c), ut divinum servitium compleatur. Dicte quoque visitationes et informationes in scriptis autenticis redigantur. Ulterius dicti commissarii stabilimenta et ordinationes ad honorem divini cultus et decorem ecclesie prefate institutas exequi et observari ad unguem faciant, recusantes quoque inobedientes secundum dictorum stabilimentorum seriem puniantur.
(b) Corrects retinentes.
(c) Ms., Venice 1495, Ulm 1496, Salamanca 1534: provideatur.
Next Ecclesia 37 | Back to the Contents