Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1060-Ecclesia 27
Frater Antonius Fluviani magister
xxvii. Quod solemnibus diebus fratres audire missam teneantur, et quod modeste se gerant, et de modo dandi pacis osculum
Festivitates et dies solemnes religiosi divinis officiis insistentes observare quidem debent. Itaque iniungimus, ut solemnem missam primam matutinalem diebus dominicis et aliis festis diebus fratres ordinis nostri, nisi legitimo prepediti impedimento fuerint, audire debeant. Si vero prime misse non interfuerint, secunde misse solemni adesse teneantur, ubi cum silentio, modestia et devotione conversari studeant. Nec intrent cancellum seu chorum ecclesie nec altari adhereant aut sacerdotale officium impediant. Et minister, qui pacis signum prebere solet, patenam cum fasciolo capiat, ut cum reverentia et decore ministerium ecclesiasticum ordinetur. Qui contrafecerit, puniatur quarantenę poena.
Next Ecclesia 28 | Back to the Contents