Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
424-Statuts1493-Collations 1
[q5r]
Des collations
Frere Pierre d’Aubusson cardinal et maistre
i. De la resignation des commanderies
Chose(a) indecente et absourde est que noz freres resignent les commanderies, prieurez, bailliages et benefices de nostre ordre aultrement que es mains du maistre qui est souverain en l’ordre. Pour laquelle raison par les establissemens faitz par noz predecesseurs est instituy que telles resignations ne se facent, aultrement soyent entendues estre nulles. Neantmoins(b) veu que peine n’est adjoincte aux contrefaisans, pourtant statuissons que cellluy qui telles resignations contre forme des establissemens fera, incontinent incoure la peine de privacion des commanderies et benefices que possedera, desquelz par maistre et couvent soit pourveu, rejectée monition ou citation quant de la resignation non droicturement perpetrée apparera. Et neantmoins telles resignacions contre la forme des esta-[q5v]blissemens soient dijudiquées estre nulles.
(b) Neautmoins.
Next Statuts1493-Collations 2 | Back to the Contents