Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
393-Collations 29
[p2v]
Frere Pierre d’Aubussons cardinal et maistre
xxix. De la manière de la certificacion de la melioracion des commanderies que se doit faire par ceulx qui pretendent(a) avoir melioriment
Pour éviter dommaiges, frauldes et dolz qui pevent entrevenir pour cause de faire la visitacion de la melioracion des commanderies faicte par les commandeurs qui pretendent soy ameliorir, establissons que les visiteurs députés par le prieur ou chastellain d’Emposte ou leurs lieutenans ou chappitre provincial, par le jurement à quoy seront contraincts, doient avecques toute diligence et discrecion visiter les commanderies, tant en chief comme en membres, et veoir parfaictement ce que aura esté meliori et deteriori pour coulpe des commandeurs qui se pretendent meliorir ou temps que ont possedé les commanderies. Lesquelz meliorimens et dommages doyent particulièrement estre specifiez es lectres de la certificacion des prieurs et chastellain d’Emposte ou leurs lieutenans en chappitre provincial ordonnées, lesquelles auront faicte de la-[p3r]dite melioracion affin que, le prouffit et dommage esgalement pensé(b) et consulté, soit cognu se le melioriment est plus que le dommage ou par le contraire.
(b) pese.
Next Collations 30 | Back to the Contents