Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
389-Collations 25
[p1v]
Frere Pierre d’Aubussons cardinal et maistre
xxv. Que les freres couventuaux puissent avoir de grâce les commanderies vaccantes par privacion
Il est consonant à raison que ceulx ayent le guerdon qui en labeur et sudeur servent nostre religion car l’esperance de remuneracion est soulas et recreacion de labeur. Et pourtant, desirans favorir à l’avencement des freres couventuaulx, nous establissons qu’ilz puissent demander et avoir, et aussi les commandeurs non cheviz, par eulx ou leurs procureurs, selon leur degré et ranc d’ancienneté, pour chevissement les commanderies vaccantes par privacion es pri-[p2r]orés et chastellanie d’Emposte devant les commandeurs qui sont cheviz. Et se nul frere couventual ou commandeur non chevy, par luy ou procureur, esdites priorés et chastellanie d’Emposte ne demandra ou vouldra avoir pour chevissement lesdites commanderies vaccantes, en icelluy cas les commandeurs cheviz et non cheviz et aussi les freres couventuaulx puissent avoir et possider de grâce(a) lesdites commanderies selon leur degré et ranc d’ancienneté, saulve les droitz du tresor.
Next Collations 26 | Back to the Contents