Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
379-Collations 15
[o7v]
Frere Jehan de Lastic maistre
xv. Que les commandeurs ne se puissent ameliorir s’ilz n’ont fait cincq ans de residence en leurs commanderies et que facent foy de l’ameliorissement de leurs commanderies
Il ne merite d’amplier sa condition qui par administration precedente ne s’est pas monstré bon gouverneur ; et aussi ale transfert(a) de commanderie en commanderie a porté dommage d’icelles. Et pourtant, par bonnes raisons induictz, establissons que les freres qui une foiz seront pourveuz d’une commanderie ne se puissent ameliorir d’autre se premier n’ayent fait residence par le terme de cincq ans en leur commanderie, oultre le mortuorum et vaccant, et icelle ayent ameliory. De laquelle amelioration sont tenuz monstrer certification auctentique, faicte par le prieur et chastellain [o8r] d’Emposte et chappitre provincial, autrement ne se puissent ameliorer. Toutesfoiz ad ce ne sont poinct subgectz les baillifz couventuaulx qui pour raison de leur office sont tenuz de demourer en Rhodes et assister au maistre.
Next Collations 16 | Back to the Contents