Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
355-Elections 11
[o1r]
Frere Jacques de Milly maistre
xi. De l’election du prieur de l’esglise
[o1v] De tant que la dignité concerne plus le spirituel on doit mieulx avoir consideracion en la promocion de l’omme à celle auctorité. Et pource nous establissons que, vacant le prioré de l’esglise de nostre religion, le maistre et conseil ordinaire par meure deliberacion doyent proceder et convenir à l’election du prieur de l’esgllse. Et eue diligente discussion des meurs, vie et science des chappellains de toute les langues de nostre religion, doient eslire et promouvoir en prieur ung chappellain de approuvée et bonne vie orné de science et expert es choses divines. Lequel esleu soit tenu faire continuelle residence et demeure en Rhodes. Et se par aulcune urgente necessité sera envoyé hors du couvent que le maistre et conseil luy doyent assigner terme de prestement retourner.
Next Elections 12 | Back to the Contents