Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
336-Freres 63
[n4r]
Usaige
lxiii. Déclaration de quarantaine et septaine
Frère qui sera mis en septaine junera sept jours continuelz, desquelz le mercredi et le vendredi doye jusner en pain et en eaue seulement, et mengera assis en terre sans table et sans nappe ou serviette en signe de sa confusion. Et s’il sera mys en quaranteine junera quarante jours continuelz, desquelz le mercredi et le vendredi jusnera en pain et en eaue tant seulement, mengeant en terre comme dessus est dit. Et ceulx qui sont condempnez à septaine ou quarantaine doyent recevoir chascun vendredy la discipline et ne doyent partir de leurs maisons, mais doyent entrevenir aux heures et offices divins, et ne pevent porter armes, mais les doyent lever.