Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
254-Prieurs 5
[l3v]
Frère Elyon de Villenove maistre
v. Des registres qui se doibvent faire par les prieurs
À toute diligence et vigilance on se doit efforcer que les biens et possessions de nostre ordre soyent conservez et defenduz. Et pourtant les prieurs et chastellain d’Emposte sont contraincts de faire(a) deux registres de la valeur de toutes les maisons, lieux et possessions des commanderies de son prieuré, tant en chef comme en membres, particulièrement et nomméement. Desquelz registres l’un soit envoyé en couvent au maistre et l’autre doyent garder les prieurs. Desquelz aussi les commandeurs ayent ung trassumpt, c’est assavoir des choses qui appartiennent aux commanderies qui possedent. Adjoignant aussi que les prieurs et chastellain d’Emposte soient tenuz faire copie et transsumps des chartres(b) et lectres de grant importance concernant le prouffit de nostre religion. Lesquelz transsumpts ensemble lesditz registres les prieurs doyent mectre en lieu fort et seur où diligamment soient gardées.
(b) sic.