Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
252-Prieurs 3
[l3r]
Frère Guillaume de Villaret maistre
iii. Que les frères chappellains et clers sont subgiectz à l’obéissance du prieur de l’esglise
Le prieur de l’esglise qui préside entre les chappellains et clercs par bonne raison a sur eulx jurisdiction. Et pourtant les frères chappellains et clercs de nostre ordre estans au couvent et qui pour le temps viendront des parties d’oultre mer en levant soient subgiectz aux commandemens du prieur de l’esglise, excepté les chappellains du maistre. Et le prieur peult commander à ceux qui sont soubz sa puissance que facent diligemment l’office de l’esglise, et oyent les confessions, et donnent l’eucharistie à frères et confrères, et administrent les sacremens [l3v] de l’esglise se par adventure le prieur est empêché en aultres affaires, ces choses ne povoit exequir et faire.