Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
225-Baillifz 23
[k4v]
Frère Jehan de Lastic maistre
xxiii. Que l’ospitalier doit eslire l’enfermier et icelluy présenter au maistre et conseil
Il est moult nécessaire que homme prudent et saige soit député à l’excercice de l’ospital et cure des malades qui soit ducteur, recteur et directeur de l’excercice de l’ospitalité et des malades. Pourtant nous establissons et voulons que l’ospitalier du couvent de Rhodes eslise en enfermier ung frère de la langue de France se en icelle le trouvera ydoine è tel excercice. Et se en la dicte langue ne le trouvera souffisant ung autre de toutes langues indifferentement à sa volunté doit eslire en enfermier. Lequel ainsi esleu présentera au maistre et conseil ordinaire qui discuteront et consideront la suffisance de celluy qui sera présenté et le confermeront. Et s’il ne sera ydoine le refuseront. Ou quel cas l’ospitalier pourvoyera d’un aultre en la manière dessusdicte. Et l’enfermier ainsi esleu sera à l’excercice dudit office par le terme de deux ans tant seulement. Le quel terme finy le maistre et conseil diligamment enquerront de la cure, diligence et service pae luy fait audit terme. Et se trouveront que bien justement et loyaulment [k5r] il aura servi à l’enfermerie qui puist estre confermé par autres deux ans, aultrement(a) soit destitué dudit office et autre soit esleu en la manière dessusdite. Et l’escripvain de l’enfermerie soit mué de deux ans en deux ans comme l’enfermier.
Next Baillifz 24 | Back to the Contents