Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
216-Baillifz 14
[k2v]
Frère Anthoine Fluvian maistre
xiiii. De l’office du grant bailly de la vénérable langue d’Alemaigne
Les prééminences, dignité et charge(a) de l’office du grant bailliage de la vénérable langue d’Alemaigne à toute ambiguité léver declarans à utilité et opportune garde de nostre Château Saint Pierre scitué en la jurisdiction des Turcqs – où quel certement non peu d’importance, de l’honneur et bellesse de nostre ordre consiste, car à iceluy les cristiens oppressés de servitude pour ensuyvir liberté et franchise plusieurs foys ont refuge, et aussi ledit chasteau a besoing de visitation et reformacion envers les stipendiez, armes, municions et provisions – pourtant, désirans ausdites choses ardues pourveoir, establissons que le grant bailly couventual, de ladite langue d’Alemaigne président, qui pour le temps ledit offices de bailliage ministrera ou son lieutenant chascun an une foys au moins ou ainsy que la nécessité requerra doye aller personellement visiter ledit chastel avec gallée de Rodes ou autre naville comme à luy meilleur semblera. Et voulons que les frè-[k3r]res et familliers avec ledit grant bailly ou son lieutenant allans pour visiter ledit chastel doyent avoit du commun trésor les despens ainsy que les frères et familiers es gallées de nostre ordre prennent.
Next Baillifz 15 | Back to the Contents