Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
194-Maistre 8
[i7r]
Frère Anthoine Fluvian maistre
viii. Quelz biens le maistre peult prendre de la despouille de son prédécesseur
Il appartient avec diligence que le bien commun soit tousjours proposé au bien particulier, car après inobedience il n’est chose que tant destruit les seigneurs que l’affection et amour du particulier prouffit et approprier à luy ce qui est commun, laquelle chose directement est contraire à ung des veuz substantiaulx. Et pourtant en faveur de nostre trésor des biens du quel se soubvient aux grans charges est estably que des biens de la despouille du maistre deffunct le successeur maistre doye prendre ce qui s’ensuyt : c’est assavoir du froment et(a) vin la quantité à luy nécessaire jusques au jour de Noel prouchain ensuyvant son élection, et la reste du froment, vin et vivres viengne au trésor ; de la vaisselle d’argent soient données à l’estat du magistère pour le maistre jusques à six cens marcs d’argent et non plus ; et de joyaulx doye prendre une coulpe d’or et une aiguière se ilz se trouveront en la despouille et non aultre. Et les autres choses soient applicquées au trésor.