Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
181-Esgard 13
[i5r]
Frere Pierre Raymond Sacoste maistre
xiii. Que en la disceptation et decision des causes doyent comparoir seulement deux frères procureurs
À eviter les confusions et prolixites jugegemens nous establissons que toutes et quantesfois seront differences entre frères, ou langues, ou prieurs, ou chastellain d’Emposte, ou prieurez et chastellanie d’Emposte, pour lesquelles differences discuter et diffinir doibvent comparoir devant le conseil, esgard ou commissaires procureurs, que ne puissent ou doyent comparoir pour chascun part sinon deux procureurs tant seulement, et que l’un diceulx parle avec l’information qu’aura ; lesquelz procureurs viengnent avec habit convenient long et sans armes. Ceulx qui contreferont soient en quarantaine laquelle doient garder en seant et mengeant.