Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
174-Esgard 6
[i3v]
Frère Elyon de Villenove maistre
vi. Que les frères en cas de denegacion d’esgard ont recours à(a) leur souverain
Il n’est chose qui tant garde l’estat que à ung chascun administrer justice et donner ce qui est sien. Pourtant nous establissons que se le frère estant soubz l’obédience de bailly ou commandeur estans es parties oultre marines aura receu aulcune injure ou molestacion et dicelle cause demandera esgard au commandeur et au bailly, celuy(b) sera denyé, en cas de denégacion aye recours pour son droit suyvir au prieur. Et se le prieur deneguera esgard et justice, adoncques le frère aura recours au maistre qui luy administre justice. Et semblablement se les frères et commandeurs recepveront injure des prieurs et pour ce leur demanderont esgard, s’il denyera ayent recours au maistre ou à son lieutenant.
(b) seluy.