Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
172-Esgard 4
[i3r]
Frère Jehan de Villiers maistre
iiii. Comment les tesmoings produictz se doyent examiner
En l’examination des tesmoings on doit user de grant prudence affin que les deposicions ne reçoipvent alteracion. Pourquoy n’est licite ne permis en nostre ordre que tesmoings produictz soient examninez ensemble, mais separez, l’un de l’autre chascun face sa deposicion sur ce de quoy sera interrogué – et non aultre chose – en présence de l’esgard [i3v] et des parties se la cause sera criminelle. Et celluy qui examine les tesmoings est tenu de interroguer diligamment du lieu et du temps ou quel les parolles et les faiz sont advenuz, perpetrés et commis sur lesquelz iceulx tesmoings sont produictz.