Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
164-Conseil 17
[h7r]
Frere Baptiste des Ursins maistre
xvii. Des choses qui se doibvent deliberer par conseil
Nous establissons que es conseilz tant ordinaires que compliz, quant se doibt faire aulcune chose, avant que se donnent les opinions, chascun conseiller sans garder ordre ainsi que luy plaira puist alleguer, dire et proposer soubre [!] celle chose qui sera mise en deliberation tout ce que luy semblera sans aulcune reprehention. Et quant les choses seront bien discuteez et agitées tant d’opinions qui se trouveront soient balotées. Et la opinion qui aura plus de balotes soit sentence et conclusion. Adjoignant que toutes les choses et affaires, de quelque nature que soient, qui par conseil comply ou ordinaire seront traictées ou deliberées soient concluses par balotes, aultrement les deliberations soient nulles.
Next Conseil 18 | Back to the Contents