Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
150-Conseil 3
[h5v]
Frère Philibert de Nailhac maistre
iii. Que soit célébrée chascune sepmaine publicque audience
Il n’est chose qui tant stabilisse et conserve les seigneuries que la saincte et pure justice laquelle par egale balance rend à chascun son droit(a), nul ne blece, garde l’innocent et pugnist le maulvaiz. Et pourtant louablement instituons que chascune sepmaine le vendredy soit célébrée publicque audience en laquelle doyent assister le maistre ou son lieutenant, baillifz couventuaulx et par chappitre, prieurs, chastellain d’Emposte et autres qui acoustument estre en conseil ordinaire, et le chastellain et bailly du commerch de Rhodes, et les juges d’appellation et ordinaire, et le vicecancellier, en laquelle les querelles et supplications d’un chascun soyent leues et oyes et selon [h6r] l’exigence des cas saigement, discutées les mérites des causes, sur icelles soit pourveu affin que totalement soit estaincte matière de querelle et à ung chascun soit donné son droit.