Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
142-Chappitre 6
[h4r]
Frere Pierre Raymond Sacoste maistre
vi. Des procureurs qui se doivent admectre en chappitre general
Nous establissons que les procureurs des baillifz, prieurs et chastellain d’Emposte et commandeurs par chappitre et des priorez, de quelque condicion que soyent, ne soyent admis par maistre et chappitre general, ne incorporez oudit chappitre s’ilz ne monstrent souffisante et auctentique procure des leurs principaulx avec especiale puissance de comparoir en chappitre et de consentir aux choses qui se doivent traicter et conclurre en iceluy. Adjoignant que les baillifz, prieurs et chastellain d’Emposte, commandeurs par chappitre, prieurez et chastellanie d’Emposte qui personnellement ou par procureur legittime ne seront en chappitre general soyent tenuz d’avoir et tenir rate et ferme tout ce que sera traicté et conclud oudit chappitre comme si presens ou par procureurs fussent en icelluy.
Next Chappitre 7 | Back to the Contents