Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
133-Trésor 37
[g8r]
Frere Pierre d’Aubusson maistre
xxxvii. Que le maistre et couvent puissent proceder contre les mal payans à privation des bénéfices et diceulx pourveoir
Pource que le maistre et couvent de Rhodes tiennent souveraineté en nostre ordre, et se aux inferieurs est donné auctorité par chappitre général de priver et des bénéfices accans par privation pourveoir, néantmoins icelle puissance n’est pas à eulx aulcunement interdicte. Pourtant nous establissons que le maistre et couvent de Rhodes toutes et quantesfoiz auront notice des mal payans le droitz du trésor et de leurs debtes puissent et doyent proceder par auctorité de chappitre général contre lesditz mal payans à la peine de privation des bénéfices à l’instance(a) des procureurs du trésor ; et telz bénéfices et commanderies ou priorez et chastellanie d’Emposte ainsi vaccans donneront et concederont aux frères biens payans lesditez debtes audit trésor ; commandons estroictement sur peine de privation aux prieurs, chastellain d’Emposte et receveurs que chascun an doyent adviser le maistre et couvent desditz mal payans et de leurs debtes ; néantmoins pource ne soit suspendu ou differy l’exéquution es chappitres provinciaulx, et que non obstant ladite advisition puist estre faicte selon la forme des establissemens ; et à donner plus griesve peine voulons que les mal payans et privez à instance(a) des procureurs du trésor sans aultre citation soient publiez en Rhodes en l’assemblée publicque comme rebelles, inobédiens et privez de l’habit(b).
font style="font-family: arial" font size="-1">
(b) hlabit.