Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
121-Trésor 25
[g5r]
Frere Baptiste des Ursins maistre
xxv. Que les benefices de la religion soient apprehendez es mains du tresor pour le prouffit et honneur de nostre religion
Nous establissons et ordonnons que toutes et quantesfoiz es provinces d’Arragon les commanderies ou aultres benefices de nostre ordre vacqueront que le receveur de nostre commun tresor doye prendre à la main et pouoir du tresor lesditz benefices et les possessions d’iceulx. Laquelle chose soit faicte sans despense dudit tresor affin que ne reçoipve dommaige, car se n’estoit ordonné de remede necessaire plusieurs dommaigez s’en pourroyent ensuyr comme sont pour le temps passé, consideré que lesdictez commanderies vaccantes sans administrateur et gouverneur recepvroient dommaige.