Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
105-Trésor 9
[g2r]
Frère Philibert de Nailhac maistre
ix. Comment les recepveurs doivent recuillir le mortuorum et despouille du frère trespassé
À conservacion des biens(a) de nostre commun trésor et affin que soit levée toute occasion de fraude nous establissons que toutes et quantesfois le receveur ou commissaire ou procureur du trésor ira à prendre et recevoir les biens du mortuorum et despouille que ne voise seul, mais que preigne avec luy ung commandeur ou frère des plus prochains du lieu où est trespassé ou une séculiere personne, honneste notaire, et que en présence diceluy doye visiter et mectre en escript, per inventaire autenticque, en présence de tesmoings dignes de foy tous les biens et utensille, labouraiges et fruictz desquelz, ce fait, doye laisser l’estat de la commanderie en celle condicion et qualité en la quelle la trouvé ; et la moictié de la sobrehabondance pour ampliation de l’estat oultre l’estat premier avant que les biens soient transferez et transportez ; et de toutes les choses que aura fait doye adviser par escriptures auctentique le chappitre provincial ; se aulcuns des receveurs contrefera, et excedera le dommage ung marc d’argent, que incoure la privation de l’habit.