Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
054-Eglise 21
[e5r]
Frère Jehan Ferdinand de Heredie maistre
xxi. Des biens des despoilles que doibvent parvenir aux esglises
Non sans cause les églises doibvent estre aornées où se fait le service divin et entre les autres l’église de Saint Jehan Baptiste en Rhodes, maistresse de nostre religion. Et pour tant nous establissons que toutes choses deputées au service divin, comme calices, ornemens d’or et de soy et de telle condition comme est déclaré par autres establissemens qui se trouveront es despoulles des frères trespassez dela et deça mer parveignent, à l’église de Saint Jehan, sinon que vivans les commandeurs par eulx expressement fussent deputées aux églises de leurs comanderies, lesquelles choses déclairons appartenir ausdictes églises dicelles commanderies et voulons que soient notées es(a) les inventoires.