Stabilimenta Rhodiorum militum - French version
based on the printed edition Paris 1493/1495 by Pierre Le Dru
© Jyri Hasecker, Hamburg / Jürgen Sarnowsky, Hamburg (2007/2022)
044-Eglise 11
[e3r]
Frère Hugues Ravel maistre
xi. Que les frères sont tenuz estre présens à la grant messe
[e3v] Il n’est chose qui tant soit utile á l’omme que estre actend au service divin. Et pourtant est nécessaire que noz frères et chevaliers aornez du signal de la vraye croix soyent présens à la grant messe, especialement es jours esquelz l’esglise de Dieu fait plus grant solennité. Et pourtant les frères sur peine de septaine – la quelle incontinent contrefaisant doivent encourir – sont tenuz estre présens aux solennelles messes des festes qui s’ensuyvent, c’est assavoir de la Nativité nostre saulveur Jhesucrist, de la Circumcision, de la Purification et des aultres festes de la Vierge Marie, de l’Épiphanie, de la Resurrection, de l’Ascension, de la Penthecouste, du Corps de Crist, de Saincte Croix, de saint Jehan Baptiste, de saint Pierre et de saint Pol apostres, de Toussaints le premier de novembre et des aultres festes esquelles est acoustumées célébrer procession.