Stabilimenta Rhodiorum militum - French version

based on the printed edition Paris 1493/1495 by Pierre Le Dru

© Jyri Hasecker, Hamburg / Jürgen Sarnowsky, Hamburg (2007/2022)

019-Reception 9

---

[d2v]

   Frère Helyon de Villeneufve maistre
ix. Que nul frère ne recoyve sans licence du maistre frère ou donne
En chascune religion la puissance vient et descend d’un chief et commancement. Et pourtant par aulcune manière n’est licite ne permis aux baillifz, prieurs, chastellain d’Emposte ou frères de nostre ordre, de quelque condition qu’ilz soient, de recevoir aulcuns en frères ou donnes sans expres licence du maistre, excepte qu’ilz puissent recevoir frères chappellains s’il sera necessaire pour le service de leurs esglises et chappelles. Et pareillement puissent recevoir frères sergens d’office pour le service de leurs commanderies. Qui contrefera soit privé de l’habit de nostre religion.

---

Next Reception 10 | Back to the Contents