1512.07.03.

Frater Emericus etc. et nos etc. venerando etc. fratri Joanni Haisten^(a) praeceptoriarum nostrarum de Hombach et Francfort prioratus Alemaniae praeceptori ac ordinis nostri magno baiulivo conventuali salutem etc.

Duce rationis agere arbitramur si quos etc. Sume hanc bullam ex libro bullarum MDV et VI fol. CXLVII⁽¹⁾ usque: resignatis igitur prius per vos in manibus nostri praelibati magistri secundum formam statutorum nostrorum dicto magno baiulivatu ac praeceptoria de Francfort, et per nos magistrum dicta resignatione suscepta si tamen et aliter non cum infrascripti prioratus possessionem pacificam et quietam fueris assecutus, nec non resignata similiter per vos praeceptoria nostra de Torlezehen pridem camera priorali, et loco ipsius secundum^(b) tenorem stabilimentorum nostrorum retenta nostra dicta praeceptoria de Hombach pro una camerarum prioralium, et per nos magistrum ipsa resignatione suscepta, prioratum itaque nostrum Alemaniae per obitum quondam fratris Joannis Heggezer eiusdem prioratus ultimi legitimi prioris et possessoris, sive hoc sive alio etc. quoquomodo etc. et cum omni honore, praerogativis et emolumentis atque suis quatuor cameris prioralibus prioratus ipsius, et vobis priori eiusdem assignamus videlicet Utrecht, Coloniae, Hombach^(c) nec non praeceptoria de Friburg in Praesigaro^(d) pro quinta vestra camera, consentientibus adhoc fratribus nostrae venerandae linguae Alemaniae Rhodi ad Dei et religionis nostrae obsequia residentibus, quibus huiusmodi negotium particulariter spectat, cum omnibus earundem camerarum membris, iuribus et pertinentiis universis ad ipsas et ipsarum qualibet spectantibus et pertinentibus etc. prout in eadem.

In cuius rei etc. communis etc.

Datum etc. die tertia Iulii M^o D^o XII^o.

Ex libro bullarum⁽²⁾. Frater Johannes Otho Bosius vicecancelarius.