1474.07.24.

24-29 July, 1474
Discussion of Master and Council concerning the legation to King Edward IV. with the purpose to establish the turcopolier Fr John Weston as Prior of England. The envoy, the draper Fr Nicolau Zaplana, the conventual bailiff of the Aragonese-Catalonian tongue, has to proceed very carefully not to rouse the king's anger or to cause damage in respect of the order's incomes from England. - NLM Arch. 75, fol. 123(131)r-125(133)r. From the Libri Consiliorum. - Edited: J. Sarnowsky, Kings and Priors. The Hospitaller Priory of England in the Later Fifteenth Century, in: Mendicants, Military Orders, and Regionalism in Medieval Europe, ed. J. Sarnowsky (Aldershot, Hants, 1999), pp. 83-102, at pp. 97-100. - - (123[131]r) (1) Die 24 mensis Jullii 1476 per reverendissimum dominum magistrum fratrum Petrum dAubusson hospitalis Jherusalem (etc.) (2) ac suum reverendum consilium ordinarium cum scrutinio balotarum secundum formam stabilimentorum fuerunt deliberata / (123[131]v) et ordinata que sequuntur super expedicione et provisione prioratus Anglie vaccantis per obitum quondam fratris Guillelmi Tornay, (3) super hoc prius habita relacione reverendissimi domini magistri prefati ac reverendorum dominorum alias deputatorum super hoc negocio et (presertim) auditis procuratoribus reverendi domini fratris Johannis Weston et fratris Roberti Multon.

Primo(4) quod de dicto prioratu Anglie expediantur et fiant bulle dicto reverendo domino fratre Johanni Weston turcupellerio tanquam anciano et benemerenti cui secundum formam stabilimentorum religionis Jherusolimitani pertinet dictus prioratus.

Insuper quod de baiuliatu turcupelleriatus et de preceptoriis quas resignat idem dominus turcupellerius per promocionem ad ipsum prioratum non fiat aliqua provisio et collacio per reverendissimum dominum magistrum et conventum Rhodi donec et quousque dictus reverendissimus magister et reverendum consilium ordinarium fuerint avisati per ambaxiatorem qui pro hoc negocio mittetur in Anglia, quod serenissimus rex Anglie est contentus quod dictus reverendus dominus turchupellerius habeat dictum prioratum.

Preterea ut dicte bulle melius et comodius possint educi ad executionem in favorem et comodum dicti reverendi domini turcupellerii et ut eciam conservetur benevolencia dicti serenissimi regis Anglie ad evitandum damna et scandala est deliberatum et ordinatum quod mittatur ambaxiator in Angliam religiosus condicionis qui secum deferet bullas que fient de dicto prioratu eidem reverendo domini turcupellerio, quiquidem orator significavit dicto serenissimo domino regi Anglie optimum jus et justiciam quam habet in eodem prioratu ipse dominus turcupellerius, et qualiter consideratis eius virtutibus et meritis religio ipsa eum constituit priorem dicti prioratus. Nihilominus pro honore sue regie maiestatis dicte bulle non fuerint consignate eidem domino turcupellerio sine voluntate et beneplacito sue regie maiestatis ad conservacionem sue regalis prerogative. / (124[132]r) Pro (cuius indifferenti) conservacione, considerato quod in electione facta in Anglia dictus dominus turcupellerius unacum dicto domino fratre Roberto Multon fuit per suam regiam maiestatem nominatus prout suis regiis litteris apparet, ideo visum est reverendissimo domino magistri prefato et ipsi religioni, visa tali nominacione facta per ipsam regiam maiestatem, quod dicta prerogativa regalis est observata dando dictum prioratum eidem domino turcupellerio qui secundum formam stabilimentorum et consuetudinum religionis habet jus in eodem prioratu sicuti amplius et diffusius continebitur in instructionibus que expedientur dicto oratori, qui talem operam adhibeat ut dictus reverendus dominus turcupellerius dictum prioratum habere et obtinere possit in vigore bullarum sibi (confectarum). In quibusquidem bullis ad evitandum inconveniencia que sequi possent racione ammissionis dictarum bullarum aut aliter et eciam ad conservandum jura communis thesauri addetur clausula infrascripta ante 'In cuius rei testimonium (etc.)', videlicet quod dicte bulle non ponantur in execucionem nec effectum habeant nisi fuerint signate et subscripte manu propria dicti ambaxiatoris ut sequitur: 'Ego ...(5) orator reverendissimi domini magistri et reverendi consilii Rhodi sum contentus et placet mihi quod huiusmodi bulle prioratus Anglie ponantur in execucionem atque suum sorciantur effectum in comodum dicti reverendi domini fratris Johannis Weston turcupellerii. Ita est ... manu propria'.

Ulterius adhibita omni diligencia quod dictus reverendus dominus turcupellerius adipiscatur ipsum prioratum, casu quo dictus serenissimus dominus rex Anglie noluerit perperi aliquomodo quod dictus dominus turcupellerius habeat dictum prioratum, sed quod dictus prioratus conferatur eidem fratri Roberto Multon, eodem casu ad evitandum indignacionem dicti serenissimi domini regis et ad conservandum indemnitatem communis thesauri, cum detrimenta insequi possent propter dilacionem temporis et non obtemperando dicte regie maiestati quam super omnia dicta religio observare et colere debet, dictus orator, in vim bullarum plumbearum communium que sibi fient, eidem potestatem hoc agendum tribuendo, / (124[132]v) ex nunc debeat conferre dictum prioratum eidem fratri Roberto Multon cum reservacionibus jurium communis thesauri. Nihilominus antequam faciat dictus oratur talem collacionem sit tutus et cautus de juribus mortuarii et vaccantis per obitum quondam fratris Guillelmi Tornay olim prioris dicti prioratus.

Item quod ex nunc procuratores dicti reverendi domini turcupellerii cedant et renuncient in utilitatem dicti communis thesauri illud debitum quod idem dominus turcupellerius debet habere a spolio quondam fratris B(attiste) de Ursinis olim magistri dicti ordinis,(6) quequidem summa quando dictus thesaurus eam receperit ab eodem spolio, ponetur in computo (scutorum) 900 qui solventur pro dicto mortuario et vaccanti.

Item quod pro resto dicti summe (scutorum) 900 pro jure dicti mortuarii et vaccantis fideiussores presentati nomine dicti domini turcupellerii per ipsos procuratores acceptentur per ipsum thesaurum et quod quilibet sit obligatus tanquam principalis solutor pro quantitate pro qua fideiubet, ita tamen, quod dictus ambaxiator non consignet dictas bullas factas domini turcupellerio prefato donec fuerit tutus et cautus a mercatoribus sufficientibus in Anglia aut per viam cambii de summa pro qua fideiubent fratres religionis nostre.

Die(7) 29 mensis Jullii 1476 per reverendissimum dominum magistrum et suum reverendum consilium cum scrutinio balotarum fuit electus orator ad serenissimum dominum regem Anglie pro negociis prioratus dicti regni reverendus dominus frater Nicolaus Saplana(8) draperius sacri conventus Rhodi qui hoc onus obedienter suscepit et exequi intendit ad honorem et comodum religionis.

(125[133]r) Insuper reverendissimus dominus magister facta dicta electione ordinavit quod pro honorem dicti reverendi domini draperii et favore rerum Anglie ipse reverendus dominus draperius intituletur locumtenens magistri.

___________________________________________

(1) In the margin: Deliberaciones super prioratu Anglie.
(2) Grand master 1476-1503.
(3) For him and the following English brethren cf. the article.
(4) In the margin: Pro prioratu Anglie nota.
(5) Blank left for the name of the envoy.
(6) Master 1467-1476.
(7) In the margin: Electio oratoris pro Anglia.
(8) Fr Nicolau Zaplana, draper of the Hospitallers about 1476 to 1478.

first adaptation 20.03.2000 Jürgen Sarnowsky / revised 21.09.2008 /
status: proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar for 1474