1460.11.02.

2 November, 1460.
The vice-chancellor registers the formal abdication by Fr. Johan van Withflit, head of the preceptor of Velden, of the preceptory of Sint Jansdal. - NLM, Arch. 370, fol. 139r. Chancery note, register = liber bullarum 1460 - J. M. van Winter, Sources concerning the Hospitallers of St. John in the Netherlands, 1998, Bulls and Letters, n. 61.

Registrata in presenti registro ad futuram rei memoriam de mandata reverendissimi domini magistri instantibus infrascriptis qui super hiis licenciam et congiectum impartitus est pro firmiori cautela infrascriptorum.

Die secunda mensis Novembris anni ab incarnacione millesimi CCCC LX constitutus in cancellaria sacri conventus Rhodi personaliter in presencia mei vicecancellarii et testium infrascriptorum dominus frater Johannes de Wifflicht preceptor de Velden prioratus Alamanie de sua pura et spontanea voluntate de licencia et congiecto ipsius Reverendissimi domini magistri sibi gratis datis et concessis iuravit ponendo manum dexteram super crucem sui habitus more solito religiosorum ordinis Iherosolymitani atque promisit bona fide dare suas probaciones bonas et auctenticas et presentare se personaliter seu per procuratorem legittimum coram capitulo provinciali sive assemblea dicti prioratus quibus commissum est per ipsum reverendissimum dominum magistrum et conventum, ut videre habeant dictas probaciones super facto dampnorum affectorum illatorum preceptorie Vallis sancti Johannis, sicut ample apparet in bullis commissionis super hoc confectis, infra terminum duorum annorum completorum a die predicta in antea computandorum.

Insuper promisit solvere seu solvi facere in termino predicto taxam quam debet lingue Alamanie racione preceptorie predicte sibi cabimento date et concesse sub obligacione omnium bonorum suorum ac dicte preceptorie. Et casu quo idem frater Johannes in predictis deficet aut in aliquo eorundem, fuit et est contentus quod eo ipso et incontinenti absque alia citacione et monicione privetur dicta preceptoria et quod contra eum procedatur tamquam contra inobedientem et rebellem secundum formam stabilimentorum nostrorum dicte religionis, renuncians omnibus et singulis stabilimentis, consuetudinibus, et usibus dicti ordinis que pro eo in hac causa faceri possent quovismodo.

Presentibus reverendo domino fratre Petro Raffini magno preceptore dicti conventus Rhodi et fratre Raymundo de Solier ac Bertrando de Boussignach.


first adaptation 31.07.2022 Jürgen Sarnowsky / revised 31.07.2022 /
status: proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)


Back to the Calendar for 1460.