1456.07.20.
Ista confirmatio lingue de[bere]t registrari immediate ante bullam precedentem(1) et quod sequatur fuit ex inadvertencia propter multitudinem agendorum et spacium temporis breve.
Die 20mus mensis Jullii anno 1456o de licencia r[everendissi]mi in Christo patris et domini d[omini] fratris Jacobi de Milli hospitalis Jher[oso]l[i]m[itani] magistri dignissimi fuit congregata venerabilis lingua Hispanie in albergia dicte lingue in hospicio consueto ad instanciam et requisitionem nobis religiosi(a) domini fratris Bernardi de Rocabertini preceptoris d?Alfambra castellanie Emposte et fratris Jo[anni] Ram preceptoris de Viellol ac procuratoris fratris Anthonii Foirmier preceptoris Sancti Petri de Calanda dicte castellanie, ut fratres dicte lingue insimul sic congregati et presertim fratres dicte castellanie confirmarent et approbarent certa pacta et conve[n]ciones factas dudum inter dictos fratres Bernardum et Anthonium super preceptoria prefata Sancti Petri de Calanda. Qui omnes fratres et specialiter ipsius castellanie insimul congregati confirmaverunt et approbaverunt pacta quecunque et convenciones qualitercunque factas inter dictos fratres Bernardum et Anthonium in civitate Maioricarum contenta et contentas in quodam instrumento facto sub data die 26 mensis Septembris anni 1455 subscriptum et stipulatum per Georgium Pastoris regia auctoritate notarii publici. Que omnia de mandato dicti reverendissimi magistri in presenti registro continuan[tur].
Ita est G. Caoursin vicecancellarius.
___________________________________________
(1)
The bull concerning the bestowal of the preceptory of S. Pere de Calanda (castellany of Amposta) on Fr. Galserando de Rivo Seco after the resignation of Fr. Bernard de Rocabertin, dated 10 August 1456 in NLM Arch. 366, fol. 64(63)r-v.
first adaptation 30.07.2002 Jürgen Sarnowsky / revised 12.11.2008 /
status: proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)
Back to the Calendar for 1456