1455.05.08

08 May, 1455
The Master Fr. Jacques de Milly attests and confirms the election of Nilo as Greek Metropolitan of Rhodes. - NLM Arch. 365, fol. 258r. Register. - Edited: J. Sarnowsky, Die Kirche auf Rhodos im 15. Jahrhundert, in: Ritterorden und Kirche im Mittelalter, ed. Z. H. Nowak (Ordines militares, Colloquia Torunensia Historica, IX), Torun 1997, pp. 195-226, here pp. 209-10. Universis et singulis has nostras litteras visuris, audituris et lecturis, nos frater Jacobus de Milli etc. notum facimus:
Cum post miseram captivitatem diu a Teucris propessam de r[everen]do condam patre domino Athanaello(1) metropolita greco et ipsius redemptionem eodemmet die quo Rhodum appulit suos dies clausisset extremos, instantibus et requirentibus ac supplicantibus honorabilibus papatibus, calogeris et religiosis burgensibus et civibus grecis dicte nostre urbis dedissemus eisdem licentiam se adinvicem in ecclesia metropolitana congregandi et nominandi unum religiosum grecum idoneum et sufficientem in metropolitam dicte nostre urbis secundum formam sacramentalis inter nostram religionem et ipsos Grecos(2) et secundum vestigia predecessorum nostrorum bonosque mores et consuetudines antiquitas usitatas in similibus, in presentia venerabilis ac religiosorum in Christo nobis precarissimorum fratrum Serii de Seripando nostri senescalli et baiullie nostre capitularis Sancte Eufemie preceptoris, Petri Gitter nostri receptoris et egregii juris civilis doctoris domino Nicolai de Gorgoscariis criminum curie nostre Rhodi judicis et Roleti Marion notarii dicte curie, qui nomina omnium congregatorum illic scripsit, quos ad ipsam nominationem videndam nomine nostre destinaveramus.
Tandem prestito prius omnibus prefatis, papatibus, kalogeris et religiosis et burgensibus grecis illuc convenientibus solemni juramento super sacrosancta (a)Dei evangelia, ut omnibus amore, gratia, odio et benevolentia penitus remotis, sed Deum et sanctissimam unionem factam inter sacrosanctam Romanam et catolicam ecclesiam et ecclesiam orientalem Grecorum ante oculos haberent, ad nominandum religiosum Grecum sufficientem, pacificum(b) et proficuum. Tandem pro maiori parte illic congregatorum fuit nominatus metropolita Grecorum venerabilis sacerdos papas Nicolaus Marinus alias Avidi, nunc vero, quia effectus est monacus, nominatus Nillus. Qui post suam nominationem in presentia prefatorum omnium confessus est secundum decretum concilii Florentini se esse obedientissimum sanctissimo domino nostro summo pontifici, capiti et pastori totius universalis ecclesie christianorum et sacrosancte ecclesie Romane. Et solemniter juravit illud observare, ut publico documento de premissis per prefatum Roletum Marion confecto latius constat.
Quem deinde coram nobis magistro presentatum in metropolitam grecum admisimus, quantum ad nos pertinet secundum antiquas et bonas consuetudines hactenus in similibus observatas, servatis semper preheminentiis, consuetudinibus et privilegiis nostris et nostre religionis, quas et que habemus super metropolitis, papatibus, kalogeris et religiosis grecis, quibus nostri magistri predecessores usi sunt a temporibus preteritis usque ad presencia tempora.
In cuius rei testimonium bulla nostra magistralis plumbea presentibus est appensa.
Datum Rhodi in nostro conventu die 8 mensis Maii 1455.

___________________________________________

(1) I.e. Nathanael.
(2) For the sacramentale of about 1309 with which the Hospitallers and the Greek population probably reached an agreement on church life on Rhodes cf. A. Luttrell, The Greeks of Rhodes under Hospitaller Rule (1992), repr. in idem, The Hospitaller State on Rhodes and Its Western Provinces, 1306-1422 (Variorum Collected Studies Series, 655), Aldershot 1999, no. III, pp. 192-233, here at p. 208.
(a) It follows a passage crossed out.
(b) In the text as pacificuum.

first adaptation 20.03.2000 Jürgen Sarnowsky / revised 20.09.2008 /
status: proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar for 1455