1452.09.21.

Frater Johannes de Lastico Dei gratia sacre domus Hospitalis Sancti Johannis Jher[usale]m[itani] magister humilis pauperumque Jhesu Christi custos venerabili in Christo nobis precarissimo fratri Nicolao de Giresme prioratus nostri Francie priori saltume in domino et nostris firmiter obedire mandatis.

Considerantes nostram religionem nostrumque communem thesaurum ob deffectum preceptorum et religiosorum nostrorum non solventium ea, que debent nostro prefato communi thesauro, in magnis debitis et damnis ad presens consistere, volentesque toto nostro posse huic rei providere.

Tenor presentium ex nostra certa scientia ac cum matura deliberatione nostri venerandi consilii fidelitati vestre in virtute sancte obedientie precipiendo mandamus, quatenus ab hac hora in antea nulli preceptori aut fratri nostre religionis et dicti nostri prioratus conferatis aut detis aliquam preceptoriam vacantem vel inantea vacaturam de preceptoriis vacantibus ad collationem vestri prioris, qui primo et ante omnia non solverit responsiones et omnia arreragia quas et que debebit dicto nostro communi thesauro secundum stabilimenta et ordinationes facta et factas in nostro capitulo generali ultimate hic Rhodi celebrato.

Et si quomodo huic nostro mandato, quod non credimus, contrafeceritis, noscamini quod vestram collationem quam facietis amitietis (a)et omnes alias collationes que illo quoquomodo ad vos superventure essent(a). Et ita vobis iniungimus sub pena prefata et amissione collationum vestrarum que collatio (b)et omnes alie vestre collationi illius anni(b) in casu contrafactionis erit inmediate ad nos et nostrum conventum devoluta (c)atque reguli providebimus secundam stabilimenta ususque mores et consuetudines nostre religionis(c), totiens quotiens mandata hec nostra non observaveritis. Taliter in premissis igitur vos exhibeatis, ut de vera semper apud nos et totam religionem valeatis obedientie commendari.

In cuius rei testimonium bulla nostra magistralis in cer anigra presentibus est impressa.

Datum Rhodi in nostro conventu die 21 mensis Septembris anno ab incarnato Christo Jhesu domino nostro 1452.

Fuerunt scripte litteris similes prioribus infrascriptis:
Francisco(d) de Bosco prioratus nostri Aquitanie priori. Jacobo de Milly prioratus nostri Alvernie priori. Hugoni Marci prioratus nostri Campanie priori. Roberto Botil prioratus nostri Anglie priori. Fratri Giliberto de Loschis prioratus nostri Catalonie priori. Fratri Petro Raymundo Zacosta castellano Emposte. Fratri Gonsalvo de Groga priori Castelle et Legionis. Fratri Laurens de Bruns[...] priori Navarre. Priori(e) Castelle et Legionis fratri Gonsalvo de Groga. Fratri. Priori Navarre. Priori Portugallie. Fratri Giliberto de Loschis priori Catalonie. Fratri Raymundo Zacosta castellano castellanie. Item(f) litteris clausis fuerunt scripte prioribus [...].

Item mandato [...].