1447.12.08
dilecto filio Honorato de Cucurone fratri Hospitalis [...].
Vite tue studia fructuosa ac labores quos pro orthodoxe fidei propagatione sustulisti promerentur ut illa tibi favorabiliter concedamus que tuis comoditatibus fore conspiciamus oportuna.
Dudum siquidem felicis recordationis Eugenius papa IV predecessor noster ut contra hostes fidei christiane ferventius accederes tibi vive vocis oraculo graciose concessum ut quamdiu super galeis quas dilectus filius nobilis vir Philippus dux Burgundie in subsidium prelibate fidei contra eosdem hostes transmisit moram traheres presentia et antiquitate prout alii fratres Hospitalis [...] in conventu Rodi continue commorantes iuxta dicti Hospitalis stabilimenta statuta et consuetudines gaudebant perinde in omnibus et per omnia gauderes et utereris ac si in eodem conventu continuam et personalem faceres residentiam.
Cum autem a nonnullis asseratur etiam vigore concessionis huiusmodi pro eo maxime quod supereisdem galeis que per aliqua tempora quieverunt continue non fuisti presentialiter et antiquitate predictis integraliter gaudere non posse. Nos qui de premissis plenariam habuimus informationem volentes te qui ut asseris expressam per fratres dicti Hospitalis emitti solitam professionem emisisti super eisdem galeis pro huiusmodi defensione de licentia et voluntate [...] fratris Johannes de laStico magistri Rodi ascendisti. [...]
Apostolica auctoritate presentium decernimus et declaramus te ab eadem die qua huiusmodi galeas ascendisti usque de presenti presentialitate et antiquitate predictis iuxta eadem stabilimenta. [... ]
Datum Rome apud Sanctum Petrum anno [...] 1447 quintodecimo kalendas Januarii pontificatus nostri anno primo.
___________________________________________
first adaptation 28.02.2015 Jürgen Sarnowsky / revised 28.02.2015 /
status: excerpts only, not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)
Back to the Calendar for 1447