1399.01.02.

2 January, 1399.
Master Fr. Philibert de Naillac nominates Fr. Guillaume de Munte, the Hospitaller, as Captain of Smyrna. - NLM 330, fol. 117r. Register. - Jürgen Sarnowsky, Die Johanniter und Smyrna (1344-1402), 2, in: Römische Quartalsschrift 86 (1991), n. 72, pp. 85-86.

Frater Philibertus etc. et nos conventus Rodi [...] fratri Guillermo de Mute(1) , hospitalerio et preceptori Flandrie domus eiusdem salutem etc.

De vestris industria et circumspeccione, quas in vobis comissis regiminibus experti sumus, plurimum confidentes ac sperantes, quod circa prosperum statum, custodiam, deffencionem, gubernacionem et regimen civitatis Smirnarum vigillabitis et intendetis solicite ac prudenter, hinc est, quod nos invicem deliberato consilio de nostra certa scientia vos capitaneum civitatis predicte auctoritate presencium adiuvamus, deputamus et ipsius civitatis custodiam, regimen et administracionem plenarie ad unum annum, inchoandum die prima(a) mensis Marcii proximo futuri de presentí anno subscripto et finiendum die prima subsequentis mensis Marcii anno incarnacionis domini millesimo trecentesimo nonagesimo nono, vobis ducximus comictendum verumptamen volumus, et arma et arnesia dicte civitatis recipiatis cum inventariis(b) publice.

Et quod ea in eadem dimictatione(c) teneamini, cum ab officio capitaneatus dicte civitatis recedere vos continget, mandantes in virtute sacre obe- / {86} diencie omnibus fratribus et donatis dicte domus pro custodia dicte civitatis vobis submissis, necnon conestabulis et stipendiariis aliisque dicte civitatis incolis et habitatoribus sub sacramento fidelitatis et homagii, quo nobis sunt ascripti, ut vobis tanquam eorum capitaneo reverenter pareant, obediant et intendant anno(d) supradicto. In cuius etc.

Data Rodi die secunda mensis Januarii anno incarnationis domini millesimo trecentesimo nonagesimo octavo .

(1) A. Luttrell, The Hospitallers' Hospice of Santa Caterina at Venice: 1358-1451, in: Studi Veneziani 12 (1970) pp. 369-83, reprinted in: idem., The Hospitallers in Cyprus, no. IX, at pp. 381-82.
(a) It follows crossed out mens.
(b) in the ms. as imventariis.
(b) In the ms. as dimicta e.
(d) It follows crossed out duran [?].


first adaptation 17.07.2022 Jürgen Sarnowsky / revised 17.07.2022 /
status: proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)


Back to the Calendar for 1399.