1396.01.12.

{37r} Frater Johannes etc. [...] fratribus Raymundo de Casilhaco, priori Sancti Egidii, et preceptoribus dicti prioratus domus eiusdem salutem (...).:

Vestre sinceritati tenore presencium deducimus nos de mense Decembris preterid recepisse litteras ab eiusdem domus fratribus nostrumlocumtenente, baillivis, prioribus et proceribus nostri Rodi conventus, [...] nobis innotescentes fecerunt ipsorum debilem et miserabilem statum, perplexas et intollerabiles paupertates ac inminenciam^(a) ipsius et terris aliis nostris et religionis nostre et civitati Smirnarum dampnosa et inreparabilia pericula propter potentiam / {37v} illius infidelis Basite Turchi, qui sua potencia nephanda tam vi armata quam vittualium subtractione ipsos subiugare et suo dominio submittere totis viribus indesinanter conatur. Et ob hoc ad resistandum nequam proposito dicti Basite ipsos opportuit, eciam de presenti expedit, galias et alia navigia armata tenere, plus solito et hinc inde vittualia contrahere^(b) non sine magnis expensis et missionibus, proinde supplicante a nobis cum instantia vehementi fratribus [...], peccunis, rebus et bonis aliis sibi neccessariis [...].

Pro dicti conventus subventione ordinavimus, quod vos et alii priores et prioratus, qui sub nostra obedientia consistunt, semel dum taxat, pro anno presentí in proximo provinciali capitulo futuro tarn pro respontionibus quam subsidio solvant peccuniarum summas sibi impositas, videlicet fratres prior et prioratus Sancti Egidii fl. 6000, et ceteri priores et prioratus, prout sibi impositum / (38r) extitit, et quibus sub simili tenore scribimus et damus in mandatis.

Quocirca vos [...] mandamus [...], quod huiusmodi quantitas 6000 fl. solvatur ac fratres preceptores duo saltern [...] sint, ut prescribitur, ad ipsum conventum paratis proficisci [...].

Data Avinione die duodecima mensis Januarii anno incarnationis domini millesimo trescentesimo nonagesimo quinto.