1391.05.01.

Frater Johannes Ferdinandi Deredia [...] fratri Petro de Rivo, preceptori de Aurengia domus eiusdem salutem [...].

Cum beatissimus dominus noster papa Clemens septimus ad civitatis Smirnarum reparationem, custodiam, deffentionem ipsiusque conservationem aspirans per suas apostólicas patentes litteras [...] universos Christi fideles, quorum caritativa subsidia de bonis adeo sibi collatis adhuc admodum noscuntur, neccessaria hortandos ducxerit, quodquod, ut ad id promptius animentur, ipsorum cuilibet, qui ad usus predictos, reparationis, custodie, deffentionis et conservations dicte civitatis valorem fl. duorum illi vel illis, quem seu quos nos et fratres nostri ordinis deputaverimus, erogaverit infra unum annum a tempore dictarum litterarum iamque elapsim et inde ex eisdem causis per alias apostólicas litteras ad annum alium sequentem prorogatum, ut confessor suus, quem elegerit, omnium peccatorum suorum, de quibus corde contrittus et ore confessus fuerit, semel tantum in mortis articulo plenam remissionem [...] ducxerit concedendum.

Nosque proinde ex vestre sinceritatis solertia et industria [...] nec inmerito sperantes in domino et tenentes, quod ea, que vobis committenda ducxerimus, promptis studiis et fidelibus operibus exequemini, vobis recipiendi, petendi et habendi valorem huiusmodi duorum fl. a quolibet dare volenti eique litteras opportunas dandi licentiam et auctoritatem concedimus; et vos adhuc procuratorem, actorem, factorem, negotiorem, gestorem, nuncium specialem nostrum et nostre dicte domus auctoritate (...) cum potestate substituendi unum vel plures [...] facimus. [...].

Data Avinione die prima mensis Maii anno incarnationis domini millesimo trecentesimo nonagesimo primo.