1351.09.13.

Cum dilectus filius Deodatus de Gosono, magister Hospitalis S. J. Jerosolimitani, ut de trigintaduobus milibus florenorum auri vel virca traditis sibi vel aliis nomine suo recipientibus de peccuniis Camere nostre per gentes dicte Camere de mandato nostro pro stipendiis gentium certarum galearum, quas pro certo tempore mandavimus ad stipendia Ecclesie Romane pro defensione ac tuitione fidelium partium Romanie, quos idem magister pro hujusmodi stipendiis asserit se solvisse, poneret rationem per gentes Camere predicte requisitus fuisset, pro parte dicti magistri coram eisdem gentibus propositum fuit quod ipse de hoc nonnisi per testes quos tamen sufficientes et ydoneos magister idem se habere dicif, facere fidem posset.

Unde nos, volentes super hoc providere, fraternitati tue per apostolica scripta mandamus quatenus per te vel per alium seu alios, testes, quos idem magister tobi duxerit nominandos, ex parte nostra peremptorie citare procures, ut infra certum terminum, quem eis peremptorie duxeris prefigendum, coram gentibus ipsis, expensis tamen ejusdem magistri, comparere procurent, prebituri super hiis testimonium veritati.

Diem vero hujusmodi citationis et formam et quicquid in premissis duxeris faciendum nobis per litteras tuas seu publicum instrumentum fideliter intimare procures.