1517.03.26.

[...] Unser stadt borger Hinrick Scroder schipper, Clawes Faye kopman und Wobbe Ennhe sturman van enem ever, darinnhe 2 l. bruw Hamburger bers, in unse stadt ame meysten dele to hus horende, hebben mit eren uthgestreckeden armen, upgerichteden vingern stavedes ede[s] liffliken ton billigen swerende certificeret, voredet und war gemaket, dat se myt genantem ever in dissem sulven seventeynden jare in der weken nha der hilgen Dryer koninghe daghe(1) upt Horner dep segelende, darsulvest binnen der Gronswarden und nergen anders eres schepes roder vorlaten hebben sunder alle archlist und gheferde, und wente denn densulven unsen borgern ere gudt sunder ere schulde binnen Jever affgenamen [...],

is unse gar fruntlike bede und beger, juw leften wille de unsen vor ere affgenamen gudth, wo billich, tofreden stellen laten, sy wy im geliken und groteren jegen juw leften und eynem jderen to verdenende und vorschuldende gewilliget.

Und hebben des to orkunde unser stadt secret witliken heten hengen benedden an dissen unsen breff,