1502.04.04.

1502 April 04. Hamburg.
Regest: Bürgermeister und Rat zu Hamburg bekennen, die von dem Vikar Hermann Menkel in Hamburg der Universität Rostock vermachten 150 Mark lübisch erhalten zu haben und sichern 7½ Mark lübisch jährlicher Rente zu.
Überlieferung: Rostock, Universitätsarchiv, Alt- und Neu-Copeyenbuch, Band 18, S. 168-169. - Beschreibung: Handschrift des 16. Jahrhunderts.
Edition: Wilhelm Stieda (Hrsg.), Hansestädtische Universitätsstipendien, in: ZHG 16, 1911, S. 318-324, hier S. 322-23.

Wy borgemeisster unde rathmanne der stadt Hamborgk bekennen undt betugen openbar in desseme unsem breve, datt wy van den werdigen undt achtparen herrn Alberto Crantze, doctore theologie domhern tho Hamburg, und Alberto Trempen, der sulven faculteten baccalario unde kercken vicario, anderhalffhunderth marck lubesch entfangen hebben von wegen der universiteten tho Rostogk, welckere anderhalffhundert marck lubesch de vorschreven herrn gevordert unnd erlanget hebben uthe dem testament seligen herrn Herman Menkels wandages vicarii to Hamborg vort thogetekendt unde gegeven mitt dem werdigen herrn doctor Hinrich Bockholtz, praweste tho Lubeke, testamentarius seligen herrn Herman Menkels doctori theologie lectori secundario der vorschreven universiteten tho vormeringe sines stipendii, darvor wy deme doctori lectori secundario der erbenomeden universiteten tho Rostogk uth unser stad wissesten unde redesten gudern und upkamen vorkofft und verlaten hebben, verkopen und verlathen jegenwardigen in krafft disses breves achtehalve marck geldes jarliker renthe, de wy und unse nakomlinge deme doctori in der andern lecturen dersulven universiteten edder desses breves hebbern mitt beider willen alle jhar uppe Paschen ungeverlich wol tho dancke binnen Hamborgk sondern vortögeringe scholen und willen entrichten und betalen, doch beholden, datt wy offte unse nakomlinge sulcke achtehalve marck geldes, wen ons belevet, vor anderhalff hunderth marck, so binnen Hamborg genge und geve syn, ein halff jhar tovorn tho vorkundigende, mogen wedder lösen, datt wy vor uns und unse nakomlinge in guden truwenn laven stede, vast und unverbraken tho holdende sonder argelist.

Tho orkunde mitt unser stadt segell vorsegeldt gegeven na Christi unsers herrn gebordt voffteinhundert und twe ahm achten tage to Paschen.

___________________________________________



erste Anlage 13.06.2002 Regine Gerhardt, Jürgen Sarnowsky / letzte Bearbeitung 22.12.2008 /
Bearbeitungsstand: erste Transkription, nicht mit dem Original kollationiert / für Rückfragen:
Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1502