1351.01.01.
Universis presentes litteras inspecturis nos Godefridus Dei gracia sancte Bremensis ecclesie archiepiscopus facimus manifestum,
Et si contingeret(b) aliquo tempore nostras litteras super premissa licencia construendi capellam reperiri vel produci, illas reputamus et pronunciamus surrepticias atque falsas et sine nostro iussu ac sciencia sigillatas,
decernentes easdem nullam habuisse vel habere roboris firmitatem, quas eciam tamquam cassas et irritas penitus reprobamus.
In cuius rei evidenciam pleniorem sigillum nostrum presentibus litteris est appensum.
quod honorabiles viri domini canonici et capitulum (a)ecclesie Hamburgensis(a) nostre dyocesis cum gravi querimonia nobis exponere curaverunt se ex quorundam relatu percepisse, quod nos proconsulibus et consulibus civitatis Hamburgensis dedimus et concessimus per nostras litteras licenciam edificandi et erigendi novam capellam in ipsa civitate Hamburgensi infra terminos et iurisdictionem parrochiarum eiusdem civitatis ad dictum capitulum spectancium ipsis canonicis super hoc minime requisitis nec consensum prebentibus ad premissa.
Verum cum non deceat nos iura ecclesiarum et personarum ecclesiasticarum nobis subiectarum in aliquo turbare, sed pocius teneamur ipsarum iusticiam conservare, in hiis scriptis expresse recognoscimus et fatemur, quod non recolimus nos prefatas litteras umquam dedisse aut ad ipsarum concessionem nostrum accessisse consensum.
Datum Breme, anno domini MCCCLI, kalendas Ianuarii.
___________________________________________
(b)
B und C contigerit.
erste Anlage 07.10.2004 Susanne Dreyer / letzte Bearbeitung 04.01.2009 Jürgen Sarnowsky /
Bearbeitungsstand: erste Transkription, nicht mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1351