PrUB, SK 8

1413 März 28. Marienburg.

{Regest}
Der Hochmeister [Heinrich von Plauen] an Herzog Bernhard [von Oppeln]: bittet diesen das Gut, welches er von Bewohnern Thorns (Willike Stolle, Bertram Suderman, Lorencz Stangenwalt und Balk) und anderen Einwohnern seines Landes auf Bitte Gofel Pechoges eingezogen und nach Groß Strehlitz (Strelm) gebracht hat, anhand der mitgeschickten Handelszeichen zu identifizieren und dem Überbringer dieses Briefes mitzugeben.

{Überlieferung}
B = OF 6, p. 208-209.

{Drucklegungen}
---

{Regest}
---

{Diplomatische Erörterung des Stücks}
Register-Überlieferung, Papier.

Herczog Bernhard.

Hochgeborner furste grosmechtiger liber here.
Uns haben unsere liben getruwen und inwoner der stad Thor[un] als Willike Stolle, Bertram Suderman, Lorencz Stangenwalt und Balke mit clage vorbracht wie in euwer grosmechtik[eit], in euwer herlichk[eit] landen uf derfryen strassen nu ^olich in dessim frede hat ufgehalden, genomen und getrebin in euwer stat Strelm ir gut unborschulter sachin.
Wir bitten euwer grosmechtik[eit] als unsern liben herren mit gar flysegen sunderlichen beten, das ir wol geruchet czu thun, umb unsern willen und den eg[e]n[anten] dasselbe irgeno[me]n gut nach innehaldunge deser ingeslossenen czedeln mit sulchen czeychen gemerket gancz und gar und ouch was andern inwonern unsers landes von gute mit der obgescr[ebenen] gute von euwer herlichk[eit] adir euwern anwalden vorhalden ist und gehemmet bie Gofel Pechoge, der das gut vorburget hat, deßim kegenwertigen bewyser fry und unbekommert in unser land wellet volgen lassen und nemet czu herczen liber herre das wer anders nicht czwisschen euch und uns wissen denne frede, libe und fruntschaft, der wir uns ouch genczlichen czu euch vorseen hoffende unczwylichen das ir anders nicht an uns noch an den unsern begeret noch suchet denne das sulch frede, gnade, libe und eyntracht czwisschen uns, unser beyder landen und undirsassen moge futen und generen und bitten des mit der wederkerunge desselben gut[is] uns czu scr[eben] ein gutin entwort.
Geg[eben] czu Mar[ienburg] am Dinstage noch Oculi.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/sk/sk8.htm) und Datum der Einsichtnahme; (2) im Druck: PrUB, SK 8 (1413 März 28. Marienburg)
Bearbeitungsstand: Text eingegeben (Sebastian Kubon, 30.3.2004) – Datum überprüft (Sebastian Kubon, 30.3.2004) – Text mit PrUB oder sonst Druck kollationiert () – Text mit Or. kollationiert (Sebastian Kubon, 28.6.2004) – äußere Merkmale beschrieben (Sebastian Kubon, 30.3.2004)

Datum der Erstanlage: Dienstag, 30. März 2004 — Letzte Änderung: 28.6.2004 von Sebastian Kubon

Zurück zur Hamburger Homepage / zurück zur Regestenliste für 1413.