PrUB, JS-JP 71

{Überlieferung}
B = APGd, [olim Stadtbuch 1, S. 260].

{Drucklegungen}
aus B Hansisches Urkundenbuch, Bd. 4 (1361-1392), bearb. v. Karl Kunze, Halle a. S. 1896, Nr. 963, S. 413 - 414.

{Diplomatische Erörterung des Stücks}
B ist Abschrift, Register-Überlieferung.

Premisso paratissimo debite fidelitatis obsequio ad vestrorum omnia genera mandatorum. Magnifici princeps et domini nostri graciosi. Prout jam tribus vicibus pro Hermanno Hallenbergh datore presencium, consulatus nostri socio, vestris antecessoribus et vobis supplicavi[m]us, quamvis nichil profecimus nec exauditi sumus, ita adhuc vestram illustrem magnificenciam pro eodem Hermanno deprecamur majori studio, quo valemus, quatinus ipsi graciam vestram studeatis impertiri amore Dei, zelo justicie precumque et serviciorum nostrorum humilium intuitu ad hoc cooperantes, ut filium seu heredes domini Edwardi Spenser felicis memorie informare et ad hoc exhortari seriose dignemini, quod omnia bona, que idem dominus Edwardus Spenser predicto Hermanno minus juste et violenter abstulit et recepit, sibi persolvant et restituant cum effectu, vestra promocione pia mediante. Nam quod prefata bona sibi solitarie appertinent nullo extraneo participante, hoc pluribus fidedignis hominibus et nobis constat; quod eciam prenominatus dominus Edwardus sibi bona sua, sicut prefertur, depredando recepit, hoc ipse suis publicis instrumentis, litteris et aliis probacionibus coram vestra insignitate jam trina vice docuit et probavit et adhuc probare bene valet, licet suorum dampnorum relevacionem habere non potuit seu emendam. Quia eciam super restitucione bonorum ablatorum jus suum est debite prosecutus, ita quod, si justicia sibi fieri poterit, tunc ipse super eadem restitucione judicialiter contendere non indigebit, in premissis, graciosi domini, vestram graciam taliter exhibeatis, quod preces nostras sibi senciat profuisse; pro quo vestre gracie in omnibus possibilibus velimus complacere. {S. 414} Et super scripta vestrum responsum petimus graciosum. Datum apud Danczik anno Domini 1389, vicesima die mensis Marcii, nostre civitatis sub secreto.