PrUB, JS-JP 32

{Überlieferung}
A = Public Record Office London, Pat. Rolls 9 Richard II p. 1 m. 11.

{Drucklegungen}
Aus A Hansisches Urkundenbuch, Bd. 4 (1361-1392), bearb.v. Karl Kunze, Halle a. S. 1896, Nr. 850, S. 357-358.

Rex Johanni de Kirketone de Londoniis, Gilberto Mawefeld de Londoniis, Johanni Rocheford, Roberto Waleys de Gippewico, Hugoni Holond de Norwico, Johanni de Brandone de Lenn et Petro Garnon de Sancto Bothulpho salutem. Monstraverunt nobis diversi ligei mercatores nostri regni nostri Anglie per petitionem suam nobis in presenti parliamento nostro¹⁾ exhibitam graviter conquerendo, quod diversa bona et mercandise sua ad valorem viginti milium librarum infra terram et dominium Prucie absque eorum demeritis per mercatores terre et dominii predictorum indebite arestantur et sub aresto hujusmodi ibidem detinentur, in ipsorum mercatorum nostrorum dampnum non modicum et gravamen et status sui depressionem manifestam. Nos, volentes eisdem mercatoribus nostris, ut tene{S. 358}mur, quanto cum justicia poterimus, subvenire, assignavimus vos conjunctim et divisim ad omnia bona et mercandisas quorumcunque mercatorum terre et dominii predictorum in portu civitatis Londoniarum et abinde in quibuscunque portubus et locis usque portum ville de Sancto Bothulfo et in eodem portu tam infra libertates quam extra, quandocunque et quocienscunque ea in portubus et locis predictis invenire sive apprehendere poteritis, de tempore in tempus arestandum et sub aresto hujusmodi salvo custodiri faciendum, quousque dictis mercatoribus nostris debita reformatio facta fuerit in premissis aut aliud a nobis habueritis in mandatis; necnon ad supervidendum et inquirendum, qualiter majores, ballivi, constabularii et collectores custumarum in locis predictis, quibus nuper bona et mercandisas hujusmodi in forma predicta arestare et sub aresto hujusmodi salvo custodire mandavimus, dicta mandata nostra eis sic directa fuerint executi, et ad nos inde ac de bonis et mercandisis hujusmodi per vos et alios predictos sic arestandis de tempore in tempus distincte et apperte certificandum.²⁾ Et ideo vobis mandamus, quod circa premissa diligenter intendatis et ea faciatis et exequamini in forma predicta. Damus autem universis et singulis majoribus, vicecomitibus, ballivis, ministris et aliis fidelibus nostris locorum predictorum tam infra libertates quam extra tenore presentium firmiter in mandatis, quod vobis et cuilibet vestrum in executione premissorum intendentibus sint consulentes et auxiliantes, quociens et prout eis scire feceritis ex parte nostra. In cujus etc. Teste rege apud Westmonasterium, 24. die Novembris.

Inhaltliche Anmerkungen:

¹⁾ S. Hansisches Urkundenbuch, Bd. 4, Nr. 849 = PrUB, JS-JP 31. Die Session dauerte von Oktober 20 bis Dezember 6, (Stubbs Bd. 2, S. 468, Anm. 2), die Einlieferung der Petitionen bis Oktober 25, Rotuli Parliamentorum, ut et peticiones et placita in parliamento, 6 Bde., o.O. o.J. [London 1778-1783], Bd. 3, S. 203.
²⁾ Über die Freigebung der von der Arrestierung mitbetroffenen hansischen Kaufleute s. Hansisches Urkundenbuch, Bd. 4, Nr. 858 und eine Reihe von Zeugnissen aus den Jahren 1385-1387 in Hanseakten passim. 1385 November 8 befiehlt der König die Freigebung von zwei wegen angeblich preußischer Herkunft in Lynn arrestierten Schiffen aus Wismar (de Wissemere in Hansa), beide genannt 'Marieknyght', Kapitäne Ludekin van der Hide und Henrik Roost. Close Rolls 9 Richard II. m. 32.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jp/js-jp32.htm) und Datum der Einsichtnahme; (2) im Druck: PrUB, JS-JP32 (1385 November 24. Westminster.)
Bearbeitungsstand: Text eingegeben (8. September 2001 JPoett) Datum überprüft () Text mit PrUB oder sonst Druck kollationiert () Text mit Or. kollationiert () äußere Merkmale beschreiben ()