PrUB, JS-JP 28

{Überlieferung}
A = StA Dortmund ...

{Drucklegungen}
Aus A Hansisches Urkundenbuch, Bd. 4 (1361-1392), bearb.v. Karl Kunze, Halle a. S. 1896, Nr. 835, S. 350-351;
Rübel-Roese, Dortmunder Urkundenbuch Bd. 2, Nr. 536.

{Diplomatische Erörterung des Stücks}
A ist Orginal auf Papier mit Resten des Siegels.

Honorabilibus viris et discretis proconsulibus et consulibus civitatis Thorn^a) littera detur.

Unsen willighen deinst tovoren ghescreven. Leyven vrende. Juwe breyve, dey gy uns santen unde ok ander stede,²⁾ hebbe wy untfanghen unde op delevert; warumme wy ju vlitlike danken, dat gy uns besorghen wolden in den saken, also dat wy ghevolghet hebben umme ene andwerde to hebbene van den breyven unde dat sey uns wolden halden by unser alder vryheyt; unde sey beloveden uns to ghevene ene gude andwerde van daghe to daghe, unde do wy wa^enden, ene andwerde to hebbene, do segheden sey uns, sey hedden so vele to done met des coninghes orloghe, dat sey uns ghene andwerde mochten gheven vor su^onte Mychaelis misse. Unde ok so doet men uns nu mer unrechtes dan men tovoren u dede als by den officiers van London. Warumme wy ju bidden umme Godes willen, dat gy juwen wisen raed darop hebben unde wesen vorseyn op desse sake, wante uns were leyver, dat lant to ru^omene, dan wy langhe in du^osdane verdreyte solden wesen; unde dey mer wy volghen, dey myn rechtes men uns doet. Unde dit comet al by todone Kerstian Kelmere, want unse overste alderman her Willam Walword, en ridder, uns gheseghet hevet, dat hey gheet in den raed van London unghebeden unde seghet en alle dey loghene, dey hey denken kan op den copman, des sey eme alle gheloven. Unde en vindet men hir nicht enen andren raed op, uns du^onket, dey copman alle syne vryheit verleysen solle. God sy met ju, unde ghebeydet over uns als to juwen vrenden unde deyners. Datum Londoniis, 4. die Julii.

Textkritische Anmerkungen:

^a) Thorn auf Rasur.

Inhaltliche Anmerkungen:

¹⁾ Beschwerde Kölns über Kelmer s. Hanseakten Nr. 227; Verleihung des englischen Indigenats an ihn daselbst Nr. 226. Kelmers Eingabe an den Geheimen Rat daselbst Nr. 277, auch gedruckt Zeitschrift für vaterländische Geschichte und Altertumskunde 18, 323; zum Kontext vgl. u.a. P. Dollinger, Die Hanse, 2. Aufl., Stuttgart 1976, S. 146, 249.
²⁾ HR Bd. 3, Nr. 188, 7.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jp/js-jp28.htm) und Datum der Einsichtnahme;
(2) im Druck: PrUB, JS-JP28 ([1385] Juli 4. o.O.)
Bearbeitungsstand: Text eingegeben (8. September 2001 JPoett) Datum überprüft () Text mit PrUB oder sonst Druck kollationiert () Text mit Or. kollationiert () äußere Merkmale beschreiben ()