PrUB, JS-JL 1

{Überlieferung}
B = [olim Staatsarchiv Königsberg, Registrant des Hm. Conrad von Jungingen, p. 4].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 5, 1857, ND Osnabrück 1965, S. 24-25.

{Diplomatische Erörterung des Stücks}
Entwurf.

{Intitulatio} Frater Conradus Czolner de Rotensteyn fratrum ordinis Beate Marie Theutonicorum Hospitalis Jerosomilitani magister generalis viris dilectis sibi fratribus in christo preceptoribus commendatoribus canonicis necnon universis et singulis dicti sui ordinis fratribus per Prusiam constitutis, salutem et sinceram in domino caritatem.
Prehabito conpreceptorum nostrorum consilio et consensu, discretis et religiosis viris fratri N. {S. 25} de [...]^a) commendatori in [...]^a) necnon domino Johanni [...]^a) presbitero conventus in Marienburg exhibitoribus presencium visitacionis officium auctoritate presencium committimus, peragendum more solito. Dantes eisdem plenam et omnimodam potestatem secundum ordinis nostri regulam, statuta et consuetudines in omnibus, que ad dictum visitacionis officium pertinent, in omnes et singulares personas et fratres per Prusiam, in casibus criminibus et defectibus quibuscunque gravibus, gravioribus et gravissimis manifestis seu occultis exercendi.
Quocirca fraternitatem vestram et circumspectam providenciam vestram rogamus, monemus et in domino salubriter hortamur, quatenus dictis nostris visitatoribus in hiis, que visitacionis officium respiciunt, cum ad vos pervenerint, tanquam obediencie filii devote obediatis et cum effectu intendatis, agentes in premissis omnibus et singulis, ut a deo premiari a nobisque merito exinde valeatis commendari.
{Corroboratio} In quorum evidenciam sigillum nostrum presentibus duximus appendendum.
{Datierung} Datum etc. Anno domini M° etc.

^a) So im Text.