PrUB, JS-FS 54

[1389] Oktober 31. Marienburg.

{Regest}
Hochmeister [Konrad Zöllner von Rotenstein] an die Räte und die Städte des Königreichs Polen: übersendet eine Kopie seines Briefes an den polnischen König; bittet, diesen um Geleit für die Ordensgesandten zu ersuchen, die einen Brief des römischen Königs überbringen sollen; bekräftigt die Freundschaft des Ordens zu Polen, obwohl der König die Litauer und Russen unterstützt.

{Überlieferung}
B = OF 2a, p. 22 [olim Hochmeisterregistrant Nr. I, p.44].

{Drucklegungen}
aus B Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrsg. Johannes Voigt, Bd. 4, Königsberg 1857 (ND Osnabrück 1965), S. 104.

{Diplomatische Erörterung des Stücks}
Register-Überlieferung, Abschrift.

Littera missa consiliariis et civitatibus regni Polonie

Unsern fruntlichen grus etc.
Edeler lieber besunder frunt und erbar burgermeister etc. Euwer fruntschaft sende wir in desem brieve vorslossen eyne copie des brieves, den wir dem allirdurchluchtsten fu^ersten, dem konige von Polan, euwerm herren haben gesant. Die ir wol werdt vernemen, wen ir sy geleset. Und bitten euch alz unsern besundern frunt, das ir wol wellet thun und euwern herren den konig egeschriben daran halden, das her unsern erbarn boten, die wir czu im wellen senden mit unsers herren, des Romisschen konigs briff im czugeschriben, in und durch das rich czu Polan czu im und wedir von im syn sicher geleit welle geben. Want wir von den Littowen und von den Russen nicht anders begern dan rechts, die euwer herre der konig vortedingt. Und wir nicht hoffen, das her dorumb cristen worden sy, das her uns des rechten welle abelegen und den Littowen und den Russen des unrechten czu. Want wir ny anders begert haben den rechts und noch anders nicht begehren, und wir wissen mit der cronen czu Polan nicht anders den lieb und gut. Alleyne euwer herre der konig die Littowen und die Russen vortedingt wedir uns und wedir das recht. Und bitten euch alz unsern besundern frunt, ab ymand euch anders sagen welde ader vorbrengen, das ir des nicht gloybt, want wer euch anders sagt, der sagt euch, des her nicht weys und der warheit irre geet.
Und bitten des brieves von euch eyne gu^etliche beschriben antwart, ab den unsern mo^ege das geleit werden ader nicht.
Gegeben czu Marienburg am obunde Omnium Sanctorum^a,

Littera eiusdem tenoris missa regine Polonie.

Inhaltliche Anmerkungen
^a) Oktober 31.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs54.htm) und Datum der Einsichtnahme; (2) im Druck: PrUB, JS-FS 54 ([1389] Oktober 31. Marienburg.)
Bearbeitungsstand: Text eingegeben (22. Juli 2003 Frauke Schmitz) – Datum überprüft (22. Juli 2003 Frauke Schmitz) – Text mit PrUB oder sonst Druck kollationiert (22. Juli 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Dienstag, den 22. Juli 2003 — Letzte Änderung: 14. September 2003 von Jürgen Sarnowsky

Zurück zur Hamburger Homepage / zurück zur Regestenliste für 1389.