PrUB, JS-FS 35

1386 August 16. Marienburg.

{Regest}
Die Herzöge Wartislav der Jüngere und Boguslav von Stettin quittieren dem Hochmeister Konrad Zöllner von Rotenstein die Zahlung in Höhe von 10.000 preußischen Mark weniger 200 Mark Finkenaugen betr. Hasse von Crempsow, die die Bürgermeister von Stolp, Arnd Detbern und Hannes Erpe, auf der Marienburg in ihrem Namen erhalten haben.

{Überlieferung}
A = Pergament-Urkunden, Schiebl. I, 27.

{Drucklegungen}
aus A Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 4, 1853, ND Osnabrück 1965, S. 44.

{Diplomatische Erörterung des Stücks}
Original-Urkunde Pergament, mit zwei Siegeln, eines davon stark beschädigt.

{Intitulatio} Wy Wartisslaf der junghere und Bugzslaf brudere van godes gnaden, thu Stettin, der Wende, der Cassuben, der Pomeren hertoghen und vorsten thu Ruyen,
{Publicatio} bekennen und betughen openbare in desseme yeghenwerdighen breve, dat de erwerdighe ghestlike here bruder Conrad Czolner van Rotensteyn, homeiser dudessches ordins, und de orde thu Pruczen, den beschedenen lüden, Arnd Detbernen und Hannes Erpe unsen borghermeisteren thu Stolpe von unser weghene teyn dusent pruczessche mark, cwyer hundert mark vinkenoghen myner, de dye meister und der orde vore Hassen von Crempsow beredden und betaleden von unser weghene, dar de orde unse quitebreve up hefft, de ern Hasse antwerdede, de dye orde uns dorch vruntscop willen ghegheven heft, na der breve lude, dar wye uns mit deme orden uppe Jaghel, koninghe thu Polenen ane vurenet und vurbrevet hebben, uppe deme huse thu Meryenborgh in ener summen, thu ener ganczen nughe, bereth und betalet hebben, na godes bort dritteinhundert jar darna in deme ses und achtendighesten iare, des neghesten daghes unser vrowen erer hemmelvart.
Und der teyn dusent mark pruczesscher munte, twier hundert mark vinkenoghen myn, late wye und unse erven deme homeister und deme orden thu Pruczen vorbenomet und eren nakomelingen ledich und los und quiten sie dar van thu ewigher tyd mit orkunde desses breves.
{Corroboratio} Des thu tüghe und thu ener groteren sekercheit, so hebbe wye unse ingheseghele mit unser ganczen witscop by heren Ulric Zabow unseme oversten scrivere vor dessen bref heten hengen,
{Datierung} de ghegheven und gescreven is thu Meryenborgh, na godes bort drittein hundert jar dar na sos und achtendighesten jare des neghesten daghes der hilghen juncvrowen Marian Hemmelvart alz vore is gehscreven.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs35.htm) und Datum der Einsichtnahme; (2) im Druck: PrUB, JS-FS 35 (1386 August 16. Marienburg)
Bearbeitungsstand: Text eingegeben (12. November 2001, Frauke Schmidt) – Datum überprüft (21. November 2001, Frauke Schmidt) – Text mit PrUB oder sonst Druck kollationiert (25. Januar 2002, Fraule Schmitz) – Text mit Or. kollationiert () – äußere Merkmale beschreiben ()

Datum der Erstanlage: Dienstag, 12. November 2001 – Letzte Änderung: 15. März 2002 von Jürgen Sarnowsky

Zurück zur Hamburger Homepage / zurück zur Regestenliste für 1386.