PrUB, JS-FS 34

1386 Juli 10. Lauenburg.

{Regest}
Die Herzöge Wartislaw und Boguslaw von Stettin versprechen Hochmeister Konrad Zöllner von Rotenstein, ihm die Briefe der Städte Treptow und Kamin zu übersenden, in denen diese ihr Bündnis gegen Jagiello und das Königreich Polen bekräftigen.

{Überlieferung}
A = Pergament-Urkunden, Schiebl. 50, 29.

{Drucklegungen}
aus A Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 4, 1853, ND Osnabrück 1965, S. 43.

{Regest}
JH II 1138.

{Diplomatische Erörterung des Stücks}
Original-Urkunde mit zwei gut erhaltenen Siegeln.

{Intitulatio} Wir Warczlaf der junger und Bugslaf von gotis gnaden herczogen zu Stetyn, der Kaschubin, der Wendin, der Pomeren, und furste zu Ruyen tun kunt und wissinlich allin dy desin brif sen, horen adir lesen,
{Dispositio} das wir deme erwirdegin geistlichin hern hern Conradt Czolner von Rotinsteyn, homeister Düczhes ordins, synen metegebitegern und deme ganczin ordin, in gutin trouwen ane allerleye arge list gelobt han und gelobin, in desim kegenwortegin brife, das wir im und dem ganczen ordin, czwischin hye und sente Mertins tage neist komende, der czweyer stete brife, alcz Treptaw und Camyn, myt eren anhangendin ingesegiln schicken und entwertin wellin, in welchin bryfen dy vorgenantin stete by truwen und by eren an eydes stat gelobin sulen, alle artikil voreynunge, gelobde, und vorbindunge, gancz und unvorserlich czu haldin und czu libin, dy in den brifen der vorbindinge wedir Jagal und das konigrich czu Polen geschrebin und usgedrucket syn. Welche brife in der jarczal Christi tusunt dryhundirt sechs und achczik am neesten dinstage vor Margarethe gegebin und geschrebin synt czur Lewenburg an dy wir unser ingesegele myt sampt unsern libin getreuwen rat rittern, knechte, manne und stete ingesegele, von rechtim wissen, han losyn hengen.
{Corroboratio} Czu bekentnisse und sichirheit desir dinge habe wir unser beydir ingesegele an desin brif lasyn hengen.
{Datierung} Gegeben czur Lewenburg am dinstage vor Margarethe virginis in der jarczal Christi tusunt dryhundirt sechs und achczik.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs33.htm) und Datum der Einsichtnahme; (2) im Druck: PrUB, JS-FS 33 (1386 Juli 10. Lauenburg.)
Bearbeitungsstand: Text eingegeben (12. November 2001, Frauke Schmidt) – Datum überprüft (12. November 2001, Frauke Schmidt) – Text mit PrUB oder sonst Druck kollationiert (12. November 2001, Frauke Schmidt) – Text mit Or. kollationiert () – äußere Merkmale beschreiben ()

Datum der Erstanlage: 12. November 2001 – Letzte Änderung: 2. Dezember 2001 von Jürgen Sarnowsky

Zurück zur Hamburger Homepage / zurück zur Regestenliste für 1386.