PrUB, JS-FS 32

1385 Januar 28. Genua.

{Regest}
Papst Urban VI. weitet die von seinen Vorgängern verliehenen Indulgenzen für diejenigen, die dem Orden in Preußen zu Hilfe ziehen, von den Kirchen und Kapellen in Preußen und Livland auf geistliche Institutionen in Pommerellen aus, das dem Orden seit über 60 Jahren gehört.

{Überlieferung}
B = [olim StA Kbg, Foliant Privilegia Teutsch Ordens, p. 241].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 4, 1853, ND Osnabrück 1965, S. 41-42.

{Diplomatische Erörterung des Stücks}
Register-Überlieferung.

{Intitulatio} Urbanus episcopus servus servorum Dei.
Ad futuram rei memoriam. {Arenga} Dum attente perspicimus et diligenti meditatione pensamus, quod dilecti filii magister et fratres hospitalis beate Marie theutonicorum I[e]r[oso]limitan[i] divinis obsequiis insistant et continuam hospitalitatem servant, et ad impugnandum hostes nominis Christiani et fidei orthodoxe terminos propagandum exponunt iugiter se et sua dignum, quinpocius debitum arbitramur, ut tam ipsos quam illos, qui in prosecucione tam meritorum negociorum , tamque divine placitorum maiestati cooperantur studiis indefessis armis spiritualibus indulgenciis, videlicet et remissionibus muniamus, ut ipsi eo ardencius pro Christi nomine ceptis intendant, et vitam fragilem vilipendant, quo ex hoc perhennis vite premia se noverint cercius adepturos.
{Narratio} Nuper siquidem ad nostram noticiam fuit deductum, quod nonnulli Romani pontifices predecessores nostri preattendentes, quod dicti magister et fratres in ecclesiis capellis et locis eorum faciebant, prout faciunt in divinis laudabiliter deserviri, et erga Christi pauperes et peregrinos aliasque honestas personas per eorum loca transeuntes hospitalitatem servabant prout servant necnon contra perfidos Litwanos dicte fidei hostes ferventer exponebant, prout exponunt se et sua Christi fidelibus vere penitentibus et confessis, qui huiusmodi ecclesias capellas et loca certis diebus tunc expressis devote visitarent annuatim, et eciam, qui ad huiusmodi hospitalitatem servandam manus porrigerent adiutrices necnon tam fratribus dicti hospitalis, quam eciam aliis cum eisdem fratribus contra huiusmodi hostes proficiscentibus et ibidem commorantibus, diversas indulgencias et peccatorum remissiones per diversas eorum litteras concesserunt. Cum autem - sicud accepimus - huiusmodi indulgencie et remissiones de terris Prusie et Lyvonie dictis magistro et fratribus subiectis duntaxat faciant mencionem, et ad Pomeranie predictis terris contigua et alia, terras et loca, que dicti magister et fratres a sexaginta annis et citra possederunt, prout possident de presenti, et de quibus quociens oportunitas exigerit tam milia hominum bene electorum ad bella dictis hostibus inferenda et ultra possunt haberi, et in quibus nonnulli ex fratribus predictis ac vasalli et subditi eorum commode habitant, non videantur extendi, {Dispositio} nos attendentes, quod - sicud asseritur - dicti magister et fratres in eorum ecclesiis, capellis et locis Pomeranie et aliarum terrarum et locorum predictorum ad instar ecclesiarum capellarum et locorum in dictis Prusie et Lyvonie terris consistencium in divinis deserviri faciunt, et hospitalitatem servant ac de eisdem {S. 42} Pomeranie et aliis terris et locis contra dictos infideles obsequia et servicia suscipiunt, et propterea volentes huiusmodi ecclesias capellas et loca in Pomerania et aliis terris et locis predictis consistencia, et eorum personas spiritualibus graciarum muneribus decorare, similes indulgencias illis quas dicti predecessores visitantibus ecclesias capellas et loca predicta in eisdem Prusie et Lyvonie terris consistencia et ibidem manus porrigentibus adiutrices et cum dictis magistro et fratribus ad huismodi bella proficiscentibus seu ibidem commemorantibus concesserunt, de omnipotentis Dei misericordia et beatorum Petri et Pauli apostolorum eius auctoritate confisi omnibus vere penitentibus et confessis, qui huiusmodi ecclesias capellas et loca in dictis Pomeranie et aliis terris et locis consistencia devote visitantibus et ibidem manus porrigentibus adiutrices et tam magistro pro tempore existenti et huiusmodi fratribus quam aliis cum eis ad huiusmodi bella proficiscentibus aut ibidem commorantibus concedimus per presentes.
{Sanctio} Nulli ergo omnino hominum liceat hanc paginam nostre concessionis infringere vel ei ausu temerario contraire. Si quis autem hoc attemptare presumpserit, indignacionem omnipotentis Dei et beatorum P[etri] et P[auli] apostolorum se noverit incursum.
{Datierung} Datum Janue V idus Februarii pontificatus nostri anno octavo.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs32.htm) und Datum der Einsichtnahme; (2) im Druck: PrUB, JS-FS 32 (1385 Januar 28. Genua.)
Bearbeitungsstand: Text eingegeben (12. November 2001Frauke Schmidt) – Datum überprüft (21. November 2001 Frauke Schmidt) – Text mit PrUB oder sonst Druck kollationiert (28. November 2001 Frauke Schmidt) – Text mit Or. kollationiert () – äußere Merkmale beschrieben ()

Datum der Erstanlage: 12. November 2001 – Letzte Änderung: 17. Oktober 2002 von Jürgen Sarnowsky

Zurück zur Hamburger Homepage / zurück zur Regestenliste für 1385.