PrUB, JS-FS 27

1385 März 28. Königsberg.

{Regest}
Der Oberste Marschall [Konrad von Wallenrode] an den Landmarschall von Livland [Robin von Eltz]: meldet, daß der Hochmeister dem Bischof von Oesel die Erlaubnis erteilt hat, sich in Preußen konsekrieren zu lassen; fragt weiter nach Nachrichten über die vom Landmarschall nach Litauen gesandten Boten sowie über die angekündigten Boten aus Livland .

{Überlieferung}
B = OF 1, p. 9 [olim Staatsarchiv Königsberg, Allerlei Missive].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 4, 1853, ND Osnabrück 1965, S. 35.

{Diplomatische Erörterung des Stücks}
Register-Überlieferung.

Unsern vruntlich grus etc.
Erbar lieber herre lantmarschalk, uwer erbirkeit wisse, das der probist von Osel an unsern homeister von des herin bischoffs weyn geworbin hat, so das her em welde gunnen, das her in unserm lande czu Prusen mochte werden consecriret. Dorczu gab czuhant unser homeister sinen willin und sante bruder Hinrich den aldin procurator czu den herin bischoffen unsers landes, di gutwillig sin dorczu das durch unsers homeisters wille czu thunde. Syn und ouch andir siner frunde wille were wol und duchte si gut, das em di consecracio nerne als bequeme were, als czu Kongesberg. Dorczu der herre bisschoff von Samelant ouch synen guten willen hat gegeben. Hir von han wir ouch vor langer czit dem herin b[ischoffen] von Oesel unser brive geschriben und gesant, ab si em gewordin sin adir nicht, des wissin wir nicht.
Ouch liber herr lantmarschalk bittin wir uch fruntlich das ir wellet entpitin, wie is si um die boten, di ir ken Littowin hattet gesant, eynen tag eyns gespreches mit en czu haldin, ab der tag czu gegangen si adir nicht und ab die boten wedir von Littowen sin gekomen Und ouch um di boten, di czu uns ins lant von Lifflande sullen komen, als ir uns nu noch des gebitigers tode von Lifflande hat geschriben, dem got gnade, uff wel czit si czu uns sullen, bittin wir uch vruntlich, das ir uns das ane sumen wellet lasen wissen.
{Datierung} Geben czu Konigsberg am dinstag noch Palmen anno 85.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs27.htm) und Datum der Einsichtnahme; (2) im Druck: PrUB, JS-FS 27 (1385 März 28. Königsberg)
Bearbeitungsstand: Text eingegeben (24. Oktober 2001, Frauke Schmidt) – Datum überprüft (11. November 2001, Frauke Schmidt) – Text mit PrUB oder sonst Druck kollationiert (11. November 2001, Frauke Schmidt) – Text mit Or. kollationiert () – äußere Merkmale beschreiben ()

Datum der Erstanlage: 24. Oktober 2001 – Letzte Änderung: 17. Oktober 2002 von Jürgen Sarnowsky

Zurück zur Hamburger Homepage / zurück zur Regestenliste für 1385.