PrUB, JS-FS 24

1384 November 23. Strasburg.

{Regest}
Herzog Semovit von Masowien verpfändet Hochmeister [Konrad Zöllner von Rotenstein] und dem Deutschen Orden gegen 4660 böhmische Groschen das mit seinen Grenzen beschriebene Land Sakrze in Masowien und alle daraus fließenden Einkünfte; legt die Modalitäten der Auslösung fest; verweist dafür auf den Kampf des Ordens gegen die Heidenschaft; erlaubt, dort eine Burg zu erbauen und Besitz zu erwerben, für den bei der Rückgabe eine Entschädigung geleistet werden soll; vom Orden vergebene Priviligien sollen bei einer Rückgabe an den Herzog oder seine Nachfahren im selben Sinne erneuert werden, wie der Orden die vom Herzog verliehenen Rechte einhalten soll; mit Zustimmung des Herzogs ist auch eine Weitergabe des Landes und der Rechte möglich.

{Überlieferung}
B = OF 281, p. 4-5.

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 4, 1853, ND Osnabrück 1965, S. 30-33.

{Diplomatische Erörterung des Stücks}
Alte Abschrift im Formularbuch.

{Intitulatio} Nos S[emovitus] dei gratia dux etc.
{Dispositio} Animo deliberato et pura et bona voluntate liberoque consensu publice recognoscimus litteras per presentes, quod nos a venerabili et religioso domino etc. magistro generali ordinis Theutunicorum et suis conpreceptoribus ordinis eiusdem recepimus et integre sustulimus 4000 et 600 sexagenas grossorum bohemicalium boni argenti, iuxta communem valorem solucionis ipsus monete nobis integre et plenarie numeratorum, quos grossos in numero predicto nobis fere duobus annis pure, amicabiliter et bona ductus intencione sine omni condicione lege prohibita mutuavit.
Quapropter sinceritate dicti amicabilis mutui et intuitu gwerrarum, quas prefati dominus magister generalis et sui conpreceptores contra infideles Litvanos cottidie gerunt, moti de, consilio voluntate et consensu nostrorum fidelium consiliariorum, eidem domino magistro generali, sui conpreceptoribus et toti ordini ad manus dedimus et in eorum potestatem tradidimus terram nostram dictam Sakrze cum omni iure principatus dominio et libertate, sicud nos {S.31}ipsam terram tenuimus et habuimus cum omnibus iuribus et pertinenciis intra terminos et granicias infrascriptas:
Primo quidem incipiendo in loco ubi fluvius Wisocke influit fluvium Zwde. et tunc ultra ascendendo limites terrarum usque ad locum etc., et ex tunc eundem fluviam Nyde ascendendo usque ad fluvium Wisocke ad primum limitem redeundo.
Insuper omnem usum usufructum ac utilitatem omnium et singularium rerum intra terminos prefate terre eidem domino magistro et ordini in subsidium et relevamen gwerrarum quas continue adversus infideles gerunt pure et simpliciter zelo fidei ducti concedimus et donamus.
Ceterum, si successu temporis nos, heredes et successores nostri prefatam terram rehabere voluerimus, tunc^a)4000 et sexcentas sexagenas grossorum predictas ex integro, prout ab ipsis percepimus eidem domino magistro et ordini, solvere teneamur. Si vero valor grossorum bohemicalium depravaretur, sic ut tunc solucionis esset diminitus, tunc ad solvendum 20 d. monete prusie pro quodlibet grosso volumus obligari.
Volumus eciam, quod si predicti domini et ordo castrum in terra ipsa edificare voluerint, sumptus ipsius castri, quos sexcentas sexagenas grossorum excedere volumus, ipsis dominis solvere promittimus cum capitali pecunia antedicta. Volumus eciam et promittimus, quod si dicti domini magister et ordo aliqua bona aut possessiones in dicta terra emerint et allodia seu predia vel villas locaverint et incolis villarum in pecunia et aliis rebus iuvamina aut auxilia prestiterint, precium possessionum et fundorum, quod dederint aut solverint et pecuniam et estimacionem rerum pro auxilio predictorum prestitarum, eisdem dominis reddere cum supradicta capitali pecunia, dummodo ipsa auxilia ab incolis ut predicitur recepta prius non fuerint persoluta, sumptus eciam et expensas molendinorum et prediorum que in dicta terra dicti domini magister et ordo edificaverint una cum sepedicta capitali pecuni teneamur eisdem dominis solvere. Dummodo proventus et obvenciones molendinorum et prediorum tot non fuerint, quod possint sumptibus et expensis predictis adequari, volumus eciam, quod si successu temporis domino magistro et ordini pecuniam capitalem predictam solveramus et pecuniam, quam pro possessionibus et fundis aut bonis emendis, vel sumptibus edificiorum exposuerint, ipsis solvere nequiverimus pro ipsis aliquam partem terre predicte pro eorum beneplacito eligendam et in qua parte contentari voluerint, tam diu ipsis ad omnem usum fructum et utilitatem debeamus tradere et assignare. quousque a nobis prefati sumptus, expense ac pecunie possessionum fuerint ex toto et integraliter persoluti. Super sumptuum autem quantitate et pecuniarum pro hereditatibus et possessionibus expositarum numero eorum dicto volumus credere et stare ac solo verbo.
Volumus nichilominus, quod si dicti domini magister et ordo pro eorum utilitate in edificiis aut locacionibus villarum aut aliis hominibus opidis villis aut castris litteras seu privilegia sub eorum sigillis dederint, quamcumque terram ipsam ab ipsis {S.32} dominis recuperare voluerimus, tunc litteras ipsas et privilegia eisdem quibus date sunt de verbo ad verbum cum omnibus graciis, favoribus, indulgenciis, utilitatibus et prerogativis singulis in eisdem expressis renovare seu de novo dare debeamus dub sigillo nostro, sic tamen, quod et ipsi domini magister et ordo litteras ante datam presentem quibuscunque in eadem terra datas a nobis servare teneantur.
Volumus insuper, quod de bonis et possessionibus in eadem terra, que nobis ad servicia sunt astricti, possessores eorumdem ubicunque morentur dictis dominis magistro et ordini eadem servicia per se aut, si commode nequiverint, per alios nobilitatis et nacionis sue compares exhibere teneantur, quod si princeps aut dominus quicunque de et super dicta terra de iure aut alia servicia, subsidia, tributa aut alias exacciones, quascunque postulaverit aut super limitibus suprascriptis dubium questionis aut lis suscitata fuerit, aut terra ipsa tota seu eius pars inpetita vel in iudicio vel extra petita fuerit, tunc nos expensis nostris terram ipsam cum suis pertinenciis omnibus et in ea contentis ab exaccione serviciis, subsidiis, tributis dubiis inpeticionibus ex toto liberare exonerare, quitare et disbrigare ac pro ipsis dominis respondere, ipsosque omnino indempnes reddere teneamur.
Omnia insuper ligna cuiuscunque forme in dicta terra secta, que predicti domini magister et ordo per aquas aut fluvios navigando seu fluendo, ducere aut per duos viros, quos operibus ipsis proposuerint, duci facere ex predicta iam terra voluerint, hec per nostras alias terras fluendo ducere valeant eorum servitores libere, sine omni exaccione theolonii et sine nostro aut officialium nostrorum inpedimento qualicunque.
Quod si necessitas aut utilitas swaderet, quod dictorum dominorum arbitrio relinquimus, habeant ipsi licenciam et potestatem dictam terram cum omnibus sicud a nobis tenent, cuicumque pro tribus millibus et sexcentis sexagenis grossorum bohemicalium, sicud ab ipsis recepimus ac nichilominus pro tanto quanto se extendunt sumptus expense et subsidia, de quibus supra scribitur, inpignorandi et in pignus tradendi, a quo terram ipsam inpignoraverint sine condiccione si eam rehabere voluerimus redimere teneantur.
Postquam autem summam prescriptam, quam nobis dicti domini magister et ordo mutuaverunt una cum sumptibus edificiorum, subsidiis et precio hereditatum aut posessionum, ipsis aut et illi, cui inpignoraverint, solverimus, ita quod sint contenti, tunc ipsam terram cum omnibus utilitatibus et emendacionibus nobis integre restituere teneantur.
Nos vero Semovitus dux predictus promissiones, donaciones, favores et gracias ac omnia et singula supradicta presentibus litteris promittimus firma, grata, rata, integraliter et irrevocabiliter bona fide sine omni dolo, fraude nova ad invencionem aut decepcionem necnon sine aliqua fraudulenta, subtilitate, plano et simplici animo et fide tenere et observare et, ut omnia et singula supradicta et scripta inviolabiliter et inconcusse perseverint et integre per nos observentur, renuncciamus nostro ac heredum {S.33} nostrorum presencium et futurorum necnon successorum nostrorum nomine omni inpeticioni et repeticioni ipsius terre et aliorum predictorum, quibus uti possemus contra predicta aut aliquod predictorum. Renuncciamus eciam omni quod iuri communi aut privato canonico vel civili, que nobis contra premissa possent suffragari aut aliquod premissorum. Promittimus insuper bona fide sine omni dolo et fraude contra premissa non venire aut facere per nos aut aliam submissam personam verbo aut facto ymmo contravenientem turbare et inpedire pro toto posse nostro. Si autem dubium aliquod super intellectum huius nostre littere ortum fuerit, quociens hoc evenerit, hoc ad interpretacionem et mentem dictorum dominorum magistri successorum suorum preceptorum seu deputati aut deputatorum ab eis discuti volumus et disbrigari.
{Zeugen} Testes autem omnium et singulorum suprascriptorum sunt honorabiles strenui viri et milites nostri fideles et dilecti domini Barthusch de Wesenberg, Abraham palatinus terre Plocensis, Andreas dictus Dobrinski, Petrus Swinka dictus Ripinski, Stephanus capitaneus Plocensis, Andreas filius Ploczki et Krzon dictus Potzkarwi. {Corroboratio} In testimonium et robur omnium eciam sigillum nostrum una cum sigillis omnium supranominatorum militium et singulorum presentibus est appensum.
Datum et actum in castro Strosberg Culmensis diocesis anno domini 1384 in die beati Clementis pape et martiris.

Textkritische Anmerkungen

^a) Voigt fügt hier tc (tunc) ein.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs24.htm) und Datum der Einsichtnahme; (2) im Druck: PrUB, JS-FS 24 ( 1384 November 23. Strasburg.)
Bearbeitungsstand: Text eingegeben (16. Oktober 2001, Frauke Schmidt) - Datum überprüft (7. November 2001 Frauke Schmidt) - Text mit PrUB oder sonst Druck kollationiert (7. November 2001, Frauke Schmidt / 30. November 2001, Jürgen Sarnowsky) - Text mit Or. kollationiert () - äußere Merkmale beschreiben ()

Datum der Erstanlage: 22. Oktober 2001 – Letzte Änderung: 17. Oktober 2002 von Jürgen Sarnowsky

Zurück zur Hamburger Homepage / zurück zur Regestenliste für 1384.